மாவட்ட செய்திகள்

பெங்களூருவில் இந்திய விமானப்படை முதல் பெண் அதிகாரி விஜயலட்சுமி மரணம் + "||" + Vijayalakshmi, the first female officer of the Indian Air Force, dies in Bangalore

பெங்களூருவில் இந்திய விமானப்படை முதல் பெண் அதிகாரி விஜயலட்சுமி மரணம்

பெங்களூருவில் இந்திய விமானப்படை முதல் பெண் அதிகாரி விஜயலட்சுமி மரணம்
பெங்களூருவில், இந்திய விமானப்படையின் முதல் பெண் அதிகாரி விஜயலட்சுமி மரணம் அடைந்தார்.
பெங்களூரு,

இந்திய விமானப்படையின் முதல் பெண் அதிகாரி என்ற பெருமைக்கு உரியவர் விஜயலட்சுமி. வயோதிகம் மற்றும் உடல்நலக்குறைவால் அவதிப்பட்டு வந்த விஜயலட்சுமி பெங்களூருவில் உள்ள தனது மகளின் வீட்டில் இறந்தார். அவருக்கு வயது 96. கடந்த 1924-ம் ஆண்டு பிப்ரவரி மாதம் விஜயலட்சுமி பிறந்தார்.


மருத்துவ படிப்பை முடித்த பின்னர், ராணுவ மருத்துவ படையில் 1955-ம் ஆண்டு விஜயலட்சுமி சேர்ந்து இருந்தார். பின்னர் அவர் இந்திய விமானப்படைக்கு மாற்றம் செய்யப்பட்டார். இதையடுத்து பல்வேறு விமானப்படை மருத்துவமனைகளில் விஜயலட்சுமி மகப்பேறு மருத்துவராக பணியாற்றினார். மேலும் போரில் காயம் அடைந்த வீரர்களுக்கும் விஜயலட்சுமி மருத்துவ சிகிச்சை அளித்து இருந்தார்.

முதல் பெண் அதிகாரி

இதையடுத்து கடந்த 1972-ம் ஆண்டு ஆகஸ்டு மாதம் விங் கமாண்டராக விஜயலட்சுமி பதவி ஏற்றார். விமானப்படையில் அதிகாரியாக பதவி ஏற்ற முதல் பெண் விஜயலட்சுமி ஆவார். பின்னர் சிறந்த சேவைக்காக 1997-ம் ஆண்டு விஷித் சேவா விருதை பெற்ற விஜயலட்சுமி, கடந்த 1979-ம் ஆண்டு பணியில் இருந்து ஓய்வு பெற்று இருந்தார்.

இளம் வயதிலேயே அனைத்து இந்திய வானொலியில் கலைஞராக பணியாற்றிய விஜயலட்சுமி, கர்நாடக இசையையும் பயிற்றுவித்து வந்தார் என்பது குறிப்பிடத்தக்கது. விஜயலட்சுமியின் கணவர் ரமணனும் இந்திய விமானப்படையில் அதிகாரியாக பணியாற்றியவர் ஆவார்.

தொடர்புடைய செய்திகள்

1. பிரபல வில்லன் நடிகர் மரணம்
பிரபல வில்லன் நடிகர் நர்சிங் யாதவ். இவர் தமிழில் ரஜினிகாந்தின் பாட்ஷா, விஜய்யுடன் குருவி, விக்ரமின் ராஜபாட்டை, விஷாலுடன் பூஜை, சக்தியின் ஆட்ட நாயகன் உள்ளிட்ட பல படங்களில் நடித்துள்ளார்.
2. பிரபல நடிகர் மரணம்
பிரபல கன்னட நடிகரும், இயக்குனருமான புடல் கிருஷ்ணமூர்த்தி மரணம் அடைந்தார்.
3. ‘கருப்பன் குசும்புக்காரன்’ வசனம் மூலம் பிரபலமானவர்: மதுரையில் புற்றுநோய்க்கு சிகிச்சை பெற்ற நடிகர் தவசி மரணம்
மதுரையில் புற்றுநோய்க்கு சிகிச்சை பெற்று வந்த நடிகர் தவசி மரணம் அடைந்தார்.
4. வியாபாரி செல்வமுருகன் மரணம்: "காவல்துறையின் பெருமையை சீர்குலைக்க வேண்டாம்" - மு.க.ஸ்டாலின்
வியாபாரி செல்வமுருகன் மரணம் தொடர்பாக, தீவிரமாக விசாரித்து கொலைக்கு காரணமானவர்கள் தண்டிக்கப்பட வேண்டும் என்று மு.க.ஸ்டாலின் தெரிவித்துள்ளார்.
5. வியாபாரி செல்வமுருகன் மரணம் குறித்து விசாரிக்க வேண்டும்: மனித உரிமை ஆணைய புலன் விசாரணை பிரிவுக்கு உத்தரவு
பண்ருட்டி முந்திரி வியாபாரி செல்வமுருகன் மரணம் குறித்து விசாரிக்க வேண்டும் என்று மனித உரிமை ஆணைய புலன் விசாரணை பிரிவுக்கு உத்தரவிடப்பட்டுள்ளது.