மாவட்ட செய்திகள்

நாமக்கல்லில் ரூ.25 லட்சத்துக்கு பருத்தி ஏலம் + "||" + cotton

நாமக்கல்லில் ரூ.25 லட்சத்துக்கு பருத்தி ஏலம்

நாமக்கல்லில் ரூ.25 லட்சத்துக்கு பருத்தி ஏலம்
நாமக்கல்லில் நேற்று 1,500 மூட்டை பருத்தி ரூ.25 லட்சத்துக்கு ஏலம் போனது.
நாமக்கல்:
நாமக்கல்லில் நேற்று 1,500 மூட்டை பருத்தி ரூ.25 லட்சத்துக்கு ஏலம் போனது.
பருத்தி ஏலம்
நாமக்கல் வேளாண்மை உற்பத்தியாளர்கள் கூட்டுறவு விற்பனை சங்க வளாகத்தில் ஒவ்வொரு வாரமும் செவ்வாய்க்கிழமை தோறும் பருத்தி ஏலம் நடைபெற்று வருகிறது. அந்த வகையில் நேற்று பருத்தி ஏலம் நடந்தது.
இந்த ஏலத்துக்கு நாமக்கல், நாமகிரிப்பேட்டை, ராசிபுரம், வேலகவுண்டம்பட்டி, புதுச்சத்திரம், எருமப்பட்டி, பவித்திரம், சேந்தமங்கலம் என மாவட்டம் முழுவதும் இருந்தும், அண்டை மாவட்டங்களான சேலம், ஈரோடு, கரூரில் இருந்தும் விவசாயிகள் 1500 மூட்டை பருத்தியை விற்பனைக்கு கொண்டு வந்து இருந்தனர்.
ரூ.25 லட்சத்துக்கு விற்பனை
இந்த பருத்தி மூட்டைகள் ரூ.25 லட்சத்துக்கு விற்பனையானது. ஆர்.சி.எச். ரக பருத்தி குவிண்டால் ஒன்றுக்கு ரூ.5 ஆயிரத்து 720 முதல் ரூ.6 ஆயிரத்து 720 வரையிலும், டி.சி.எச். ரக பருத்தி குவிண்டால் ஒன்றுக்கு ரூ.5 ஆயிரத்து 840 முதல் ரூ.8 ஆயிரத்து 10 வரையிலும், கொட்டு ரக பருத்தி குவிண்டால் ஒன்றுக்கு ரூ.2 ஆயிரத்து 600 முதல் ரூ.3 ஆயிரத்து 590 வரையிலும் ஏலம் போனது.
இந்த பருத்தி மூட்டைகளை திருப்பூர், திண்டுக்கல், தேனி, சேலம், கொங்கணாபுரம், கோவை, அவினாசி உள்ளிட்ட பகுதிகளில் இருந்து வந்த வியாபாரிகள் ஏலம் எடுத்து சென்றனர்.

தொடர்புடைய செய்திகள்

1. கொங்கணாபுரத்தில் ரூ.25 லட்சத்துக்கு பருத்தி ஏலம்
கொங்கணாபுரத்தில் ரூ.25 லட்சத்துக்கு பருத்தி ஏலம்.