மானாமதுரை அருகே கருப்பு பூஞ்சை நோய் தாக்குதலா?-காய்ச்சல் முகாமில் கலெக்டர் நேரில் ஆய்வு

மானாமதுரை அருகே சின்னகண்ணனூர் ஊராட்சி மானம்காத்தான் கிராமத்தை சேர்ந்த 58 வயதான ஆண் ஒருவர் உடல் நலக்குறைவு காரணமாக சிவகங்கை மருத்துவக்கல்லூரி மருத்துவமனையில் பரிசோதனை செய்தார்.
இதற்கிடையே அந்த கிராமத்தை சேர்ந்த சிலருக்கு காய்ச்சல் இருப்பதாக கலெக்டர் மதுசூதன்ரெட்டிக்கு தகவல் கிடைத்தது. இதை தொடர்ந்து அவர் சுகாதாரத்துறையின் மூலம் அந்த கிராமத்தில் நேற்று காய்ச்சல் தடுப்பு முகாம் நடத்த உத்தரவிட்டார். இதனை தொடர்ந்து நேற்று பொது சுகாதாரத்துறையின் மூலம் சிறப்பு காய்ச்சல் மருத்துவ முகாம் நடைபெற்றது. முகாமை கலெக்டர் மதுசூதன்ரெட்டி நேரில் பார்வையிட்டார். இதில் அந்த கிராமத்தை சேர்ந்த 71 பேர் கலந்து கொண்டனர்.
அவர்களுக்கு காய்ச்சல் இருக்கிறதா? என சுகாதாரத்துறையினர் உடல் வெப்பநிலையை பரிசோதித்தனர். ரத்த அழுத்தம் இருக்கிறதா? என்றும் சோதனை நடத்தினர். பரிசோதனையில் லேசாக காய்ச்சல் இருந்தவர்களுக்கு மருந்து, மாத்திரைகள் வழங்கப்பட்டன.