தினத்தந்தி புகார் பெட்டி

வடிகால் வசதி வேண்டும் 

மயிலாடுதுறை மாவட்டம் செம்பனார்கோவில் ஒன்றியத்தில் பரசலூர் ஊராட்சியில் நக்கீரர் தெரு உள்ளது. இந்த தெருவில் நூற்றுக்கு மேற்பட்ட மக்கள் வசித்து வருகின்றனர். இந்த தெருவில் உள்ள சாலை மிகவும் சேதமடைந்து குண்டும் குழியுமாக காணப்படுகிறது.  மேலும் சாலையில் வடிகால் வசதி இல்லை.  இதனால் மழைக்காலங்களில் சாலையில் தண்ணீர் தேங்கி காணப்படுகிறது. இந்த சாலையில் நடந்து  செல்ல முடிவதில்லை.  மேலும் இந்த சாலையின் வழியாக இரவு நேரங்களில் வருவோர் பள்ளம் எது? சாலை எது தெரியாமல் விபத்தில் சிக்கி வருகின்றனர்.  எனவே சம்பந்தப்பட்ட அதிகாரிகள் சேதமடைந்துள்ள சாலையை சீரமைத்து தருவதோடு வடிகால் வசதி அமைத்து தர வேண்டும்

பொதுமக்கள், நக்கீரர் தெரு, செம்பனார்கோவில்.