மாவட்ட செய்திகள்

நாகை, மயிலாடுதுறை மாவட்டங்களில் ரூ.10 கோடிக்கு மது விற்பனை + "||" + Liquor sales for Rs 10 crore in Nagai and Mayiladuthurai districts

நாகை, மயிலாடுதுறை மாவட்டங்களில் ரூ.10 கோடிக்கு மது விற்பனை

நாகை, மயிலாடுதுறை மாவட்டங்களில் ரூ.10 கோடிக்கு மது விற்பனை
பொங்கல் பண்டிகையையொட்டி நாகை, மயிலாடுதுறை மாவட்டங்களில் ரூ.10 கோடிக்கு மது விற்பனை செய்யப்பட்டது. இதுகடந்த ஆண்டை விட ரூ.2 கோடி அதிகமாகும்.
வெளிப்பாளையம்:
பொங்கல் பண்டிகையையொட்டி நாகை, மயிலாடுதுறை மாவட்டங்களில் ரூ.10 கோடிக்கு மது விற்பனை செய்யப்பட்டது. இதுகடந்த ஆண்ட விட ரூ.2 கோடி அதிகமாகும்.
பொங்கல் பண்டிகை
பொங்கல் பண்டிகை நேற்று முன்தினம் கொண்டாடப்பட்டது. தற்போது பண்டிகை என்றாலே அதில் மதுவும் முக்கிய இடத்தை பிடித்து வருகிறது. மதுப்பிரியர்கள் பண்டிகையை வழக்கத்தை விட அதிகமாக மது அருந்தி கொண்டாடுகிறார்கள். நாகை மாவட்டத்தில் 57 டாஸ்மாக் கடைகளும், மயிலாடுதுறை மாவட்டத்தில் 44 டாஸ்மாக் கடைகளும் செயல்பட்டு வருகின்றன.
இந்த டாஸ்மாக் கடைகள் மூலம் தினமும் சராசரியாக ரூ.2 கோடி முதல் ரூ.5 கோடி வரை மது விற்பனை நடந்து வருகிறது. பண்டிகை காலங்களில் அதுவும் குறிப்பாக தீபாவளி, பொங்கல், புத்தாண்டு போன்ற நாட்களில் மதுவிற்பனை 2 மடங்கு வரை அதிகரித்து வருகிறது. 
ரூ.9 கோடியே 99 லட்சம்
பொங்கல் பண்டிகையையொட்டி திருவள்ளுவர் தினம், தைப்பூசம் உள்ளிட்ட நாட்களில் டாஸ்மாக் கடைகள் விடுமுறை என்பதால் மது பிரியர்கள் முன்கூட்டியே மதுபானங்கள் வாங்கி வைத்து விடுகின்றனர்.  பொங்கல் பண்டிகையையொட்டி நாகை மாவட்டத்தில் உள்ள 57 டாஸ்மாக் கடைகளிலும், மயிலாடுதுறை மாவட்டத்தில் உள்ள 44 கடைகளிலும் சேர்த்து மொத்தம் ரூ.9 கோடியே 99 லட்சத்து 31 ஆயிரத்து 560-க்கு மது விற்பனை செய்யப்பட்டது. 
கடந்த ஆண்டை விட இந்த ஆண்டு ரூ.2 கோடிக்கு அதிகம் விற்பனை செய்யப்பட்டுள்ளது.

தொடர்புடைய செய்திகள்

1. நாகை, மயிலாடுதுறை மீனவர்கள் சொந்த ஊருக்கு வந்தனர்
இலங்கை அரசால் விடுவிக்கப்பட்ட நாகை, மயிலாடுதுறை மீனவர்கள் 18 பேர் நேற்று சொந்த ஊருக்கு திரும்பி வந்தனர். அவர்களை குடும்பத்தினர் மற்றும் உறவினர்கள் கண்ணீர் மல்க வரவேற்றனர்.
2. நாகை, காரைக்காலில் 3- ஆம் எண் புயல் கூண்டு ஏற்றம்
வங்கக்கடலில் ஏற்பட்டுள்ள காற்றழுத்த தாழ்வு மண்டலம் காரணமாக 7 துறைமுகங்களில் 3ஆம் எண் புயல் எச்சரிக்கை கூண்டு ஏற்றப்பட்டுள்ளது.
3. நாகையில் கடல் போல் காட்சியளிக்கும் விளைநிலம்!
டெல்டா மாவட்டங்களில் தொடர்ந்து கன மழை பெய்து வருகிறது.
4. நாகை, வேதாரண்யத்தில் கடற்கரைகள் வெறிச்சோடின
மகாளய அமாவாசையையொட்டி தர்ப்பணம் செய்ய தடை விதிக்கப்பட்டதால் நாகை ,வேதாரண்யத்தில் கடற்கரைகள் வெறிச்சோடிக்கிடந்தன.
5. நாகை, காரைக்கால், மயிலாடுதுறை மீனவர்களின் வேலை நிறுத்த போராட்டம் வாபஸ்
தடை செய்யப்பட்ட வலைகளை பயன்படுத்துபவர்கள் மீது நடவடிக்கை எடுக்கப்படும் என உறுதி அளிக்கப்பட்டதால் நாகை, காரைக்கால், மயிலாடுதுறை மீனவர்கள் வேலை நிறுத்த போராட்டத்தை வாபஸ் பெற்று இன்று முதல் மீன்பிடிக்க கடலுக்கு செல்வதாக அறிவித்துள்ளனர்.