இந்தியாவின் ஜின்சன் ஜான்சன் தங்கம், ஆக்கி அரையிறுதியில் இந்தியா அதிர்ச்சி தோல்வி
ஆசிய விளையாட்டு போட்டியில் ஆடவர் 1500 மீட்டர் ஓட்டப்பந்தயத்தில் இந்தியாவின் ஜின்சன் ஜான்சன் தங்கம் வென்றுள்ளார். #AsianGames2018
இந்தோனேசியாவில் நடைபெறும் ஆசிய விளையாட்டுப் போட்டிகளில் ஆடவர் 1500 மீட்டர் ஓட்டப்பந்தயத்தில் இந்தியாவின் ஜின்சன் ஜான்சன் தங்கம் வென்றுள்ளார். வட்டு எறிதல் போட்டியில் இந்தியாவின் சீமா புனியா வெண்கலம் வென்றார். ஆக்கி போட்டியில் ஆண்கள் அரையிறுதியில் இந்தியா அதிர்ச்சி தோல்வியை தழுவியது. மலேசியாவிற்கு எதிரான ஆட்டத்தில் 6-7 என்ற கணக்கில் ( பெனால்டி ஷூட்அவுட்) தோல்வியை தழுவியது.
பிரிவு ஆட்டத்தில் இந்தோனேசியாவை 17-0 என்ற கோல் கணக்கிலும், ஹாங்காங்கை 26-0 என்ற கோல் கணக்கிலும், ஜப்பான் அணியை 8-0 என்ற கோல் கணக்கிலும் கொரியாவுக்கு எதிராக 5-3 என்ற கோல் கணக்கிலும், இலங்கைக்கு எதிராக 20-0 என்ற கோல் கணக்கிலும் வெற்றியை தனதாக்கியிருந்தது இந்தியா. இந்தியாவின் ஆக்ரோஷமான ஆட்டம், பலம் வாய்ந்த மலேசியாவை வெல்லும் என்ற எதிர்பார்ப்பு அதிகமாக இருந்தது. விறுவிறுப்பு அடங்கிய இன்றை ஆட்டம் மலேசியா வசம் சென்றது.
Related Tags :
Next Story