தேசிய செய்திகள்

காந்தியடிகளின் கனவுகளை நிறைவேற்றுவதே தூய்மையே சேவை இயக்கத்தின் இலக்கு - பிரதமர் மோடி + "||" + leanliness Is A Habit Says PM Modi After Launching New Swachh Mission

காந்தியடிகளின் கனவுகளை நிறைவேற்றுவதே தூய்மையே சேவை இயக்கத்தின் இலக்கு - பிரதமர் மோடி

காந்தியடிகளின் கனவுகளை நிறைவேற்றுவதே தூய்மையே சேவை இயக்கத்தின் இலக்கு - பிரதமர் மோடி
காந்தியடிகளின் கனவுகளை நிறைவேற்றுவதே தூய்மையே சேவை இயக்கத்தின் இலக்கு என பிரதமர் நரேந்திர மோடி கூறினார்.
புதுடெல்லி,

பிரதமர் மோடி தலைமையிலான மத்திய அரசு தூய்மைக்கு மிகுந்த முக்கியத்துவம் அளித்து வருகிறது. இதற்காக கடந்த 2014-ம் ஆண்டு காந்தியடிகளின் பிறந்த நாளான அக்டோபர் 2-ம் தேதி ‘தூய்மை இந்தியா’ திட்டத்தை தொடங்கியது. இந்த திட்டத்தின் கீழ் பல்வேறு தூய்மைப் பணிகள் மேற்கொள்ளப்பட்டு வருகின்றன.

இதன் தொடர்ச்சியாக புதிய தூய்மை திட்டம் ஒன்றை செயல்படுத்த மத்திய அரசு திட்டமிட்டு உள்ளது. ‘தூய்மையே உண்மையான சேவை’ என பெயரிடப்பட்டு உள்ள இந்த திட்டத்தை பிரதமர் மோடி இன்று தொடங்கி வைத்தார்.

மகாத்மா காந்தியின் 150வது பிறந்தநாளை முன்னிட்டு புதிய தூய்மை திட்டத்தை பிரதமர் மோடி துவக்கி வைத்தார். இதனை முன்னிட்டு நமோ ஆப் மூலம் அவர் பேசியதாவது:

தூய்மை இந்தியா என்ற மகாத்மா காந்தியின் கனவை நிறைவேற்றுவதே புதிய திட்டத்தின் இலக்கு. இன்று முதல் காந்தி பிறந்த நாள் வரை மகாத்மாவின் கனவை நிறைவேற்ற நம்மை அர்ப்பணித்து கொள்வோம். 4 வருடத்திற்கு முன் ஆரம்பிக்கப்பட்ட தூய்மை இந்தியா திட்டம் இன்று முக்கிய கட்டத்தை எட்டியுள்ளது. காந்தியடிகளின் கனவுகளை நிறைவேற்றுவதே தூய்மையே சேவை இயக்கத்தின் இலக்கு.

இந்த திட்டத்தில் ஏராளமான மக்கள் தங்களை அர்ப்பணித்து கொண்டுள்ளனர் என்பதை பெருமையாக நாம் கருதலாம். தூய்மை இந்தியா திட்டத்தில் பெண்களின் பங்களிப்பு அளப்பரியது. சமூக மாற்றத்திற்கான தூதர்களாக இளைஞர்கள் திகழ்கின்றனர். தூய்மை குறித்து அவர்கள் செய்த பணி பாராட்டுக்குரியது. இந்தியாவில் நேர்மறையான மாற்றத்தில் இளைஞர்கள் பங்கு அதிகம் உள்ளது. தூய்மையான இந்தியா நோய்களை விரட்டும். அனைவரும் இந்த திட்டத்தில் இணைய வேண்டும் என அழைக்கிறேன். தேசத்தை தூய்மையாக வைத்து கொள்ள உறுதியேற்போம். இவ்வாறு அவர் பேசினார்.


தொடர்புடைய செய்திகள்

1. ‘இந்த பிரதமரின் கீழ்...’ சி.பி.ஐ. அதிகாரிகள் இடையிலான யுத்தம் விவகாரத்தில் மோடியை கடுமையாக சாடிய ராகுல்
சி.பி.ஐ. அதிகாரிகள் இடையிலான யுத்தம் விவகாரத்தில் பிரதமர் மோடியை ராகுல் காந்தி கடுமையாக சாடியுள்ளார்.
2. மேலிட பனிப்போரில் தலையிட்ட பிரதமர் மோடி சிபிஐ உயர் அதிகாரிகள் ஆஜராக உத்தரவு
சிபிஐ மேலிட பனிப்போரில் தலையிட்டுள்ள பிரதமர் மோடி இரு உயர் அதிகாரிகளுக்கு சம்மன் விடுத்துள்ளார் என தகவல் வெளியாகியுள்ளது.
3. இந்தியாவின் இறையாண்மைக்கு சவால் விடுத்தால் ‘இரு மடங்கு பலத்துடன் பதிலடி’ பிரதமர் மோடி எச்சரிக்கை
எந்த நாட்டின் மண்ணையும் அபகரிக்கும் எண்ணம் இல்லை என்றும், இந்தியாவின் இறையாண்மைக்கு யாராவது சவால் விடுத்தால் இரு மடங்கு பலத்துடன் பதிலடி கொடுக்கப்படும் என்றும் பிரதமர் மோடி எச்சரிக்கை விடுத்து உள்ளார்.
4. பிரதமர் மோடி, ரனில் விக்ரமசிங்கே பேச்சுவார்த்தை இரு தரப்பு உறவு குறித்து முக்கிய ஆலோசனை
பிரதமர் நரேந்திர மோடியும், இலங்கை பிரதமர் ரனில் விக்ரமசிங்கேயும் டெல்லி ஐதராபாத் இல்லத்தில் சந்தித்து பேசினர்.
5. மத்திய அரசின் வீடு கட்டும் திட்டத்தில் பிரதமர் மோடி பொய் பேசுகிறார் - அசோக் சவான் குற்றச்சாட்டு
மத்திய அரசின் வீடு கட்டும் திட்டத்தில் பிரதமர் மோடி பொய் பேசுவதாக மாநில காங்கிரஸ் தலைவர் அசோக் சவான் கூறினார்.