தேசிய செய்திகள்

தமிழகத்திற்கு கஜா புயல் நிவாரண நிதியாக ரூ1,146 கோடியை மத்திய அரசு ஒதுக்கியது + "||" + Kaja state for storm relief Rs 1,146 crore central government allocated

தமிழகத்திற்கு கஜா புயல் நிவாரண நிதியாக ரூ1,146 கோடியை மத்திய அரசு ஒதுக்கியது

தமிழகத்திற்கு கஜா புயல் நிவாரண நிதியாக  ரூ1,146 கோடியை  மத்திய அரசு ஒதுக்கியது
கஜா புயல் நிவாரண நிதியாக தமிழகத்திற்கு ரூ.1,146 கோடியை மத்திய அரசு ஒதுக்கி உள்ளது.
புதுடெல்லி,

தமிழகத்தில் கடந்த  நவம்பர் 16-ந்தேதி டெல்டா பகுதியில் உள்ள 12 மாவட்டங்களில் கஜா புயல் பெரும் பாதிப்பினை ஏற்படுத்தியது.  இதில் புதுக்கோட்டை, தஞ்சாவூர், திருவாரூர், நாகப்பட்டினம் ஆகிய 4 மாவட்டங்கள் கடும் பாதிப்பிற்கு உள்ளாகின.

கஜா புயலின் தாக்குதலால் பல லட்சம் தென்னை, பலா மற்றும் பழமையான மரங்கள் வேரோடு சாய்ந்தன. வாழை, கரும்பு, நெல் உள்ளிட்ட பயிர்களும் நாசமானது. ஒரு லட்சத்துக்கும் மேற்பட்ட மின்கம்பங்கள் சாய்ந்தன. மேலும் மின்மாற்றிகள், துணை மின் நிலையங்களிலும் பெரும் சேதம் ஏற்பட்டது. ஆயிரக்கணக்கான மக்கள் தங்கள் வீடு மற்றும் உடைமைகளை இழந்து முகாம்களில் தங்கியுள்ளனர்.

இந்த நிலையில் சமீபத்தில் டெல்லியில் பிரதமர் மோடியை சந்தித்த முதல்-அமைச்சர் எடப்பாடி பழனிசாமி புயல் நிவாரண நிதியாக ரூ.15 ஆயிரம் கோடி கேட்டார். அதை தொடர்ந்து மத்திய குழு சேதப்பகுதிகளை பார்வையிட்டு அறிக்கை கொடுக்க மத்திய அரசு உத்தரவிட்டது. அதன்படி மத்திய குழு வந்து பார்வையிட்டு சென்று மத்திய அரசிடம் அறிக்கையை தாக்கல் செய்தது.

இந்த நிலையில்  மத்திய உள்துறை அமைச்சர் ராஜ்நாத் சிங் தலைமையில்  இன்று  உயர்மட்ட குழு கூட்டம்  நடைபெற்றது. இந்த கூட்டத்தில் கஜா புயல் நிவாரண நிதியாக தமிழகத்திற்கு ரூ.1, 146.12  கோடி ஒதுக்கப்பட்டு ஒப்புதல் அளிக்கப்பட்டு உள்ளது. இது தேசிய பேரிடர் மேலாண்மை நிதியில் இருந்து ஒதுக்கப்பட்டு உள்ளது.

ஏற்கனவே மத்திய அரசு முதற்கட்டமாக ரூ.353 கோடி ஒதுக்கி இருந்த நிலையில் தற்போது கூடுதல் நிதி ஒதுக்கப்பட்டு உள்ளது.

தொடர்புடைய செய்திகள்

1. மகாராஷ்டிர வெள்ள நிவாரண நிதி; ஒரு மாத ஊதியம் வழங்க மாநில மந்திரிகள் முடிவு
மகாராஷ்டிர வெள்ள நிவாரண நிதியாக ஒரு மாத ஊதியம் வழங்குவது என முதல் மந்திரி பட்னாவிஸ் மற்றும் மந்திரிகள் முடிவு செய்துள்ளனர்.
2. நீலகிரி மாவட்டத்தில், மழை வெள்ளத்தால் பாதிக்கப்பட்டவர்களுக்கு ரூ.10 கோடி நிவாரண நிதி - மு.க.ஸ்டாலின் அறிவிப்பு
நீலகிரி மாவட்டத்தில் மழை வெள்ளத்தால் பாதிக்கப்பட்டவர்களுக்கு ரூ.10 கோடி நிவாரண நிதி வழங்கப்படும் என்று மு.க.ஸ்டாலின் அறிவித்து உள்ளார்.
3. சேதம் அடைந்த வீட்டை கஜா புயல் நினைவு வீடாக மாற்றிய விவசாயி- நிவாரணம் கிடைக்காததால் விரக்தி
நிவாரணம் கிடைக்காத விரக்தியில் புயலில் சேதம் அடைந்த தனது வீட்டை கஜா புயல் நினைவு வீடாக விவசாயி ஒருவர் மாற்றி உள்ளார்.
4. கஜா புயல்; தற்காலிக வீடுகளை போர்க்கால அடிப்படையில் வழங்க தமிழக அரசுக்கு உயர்நீதிமன்றம் அறிவுறுத்தல்
கஜா புயலால் பாதிப்படைந்தோருக்கு தற்காலிக வீடுகளை போர்க்கால அடிப்படையில் வழங்க தமிழக அரசுக்கு உயர்நீதிமன்றம் அறிவுறுத்தி உள்ளது.
5. கஜா புயலில் ஓட்டு வீடுகளை இழந்தவர்களுக்கு முழுமையான இழப்பீடு - அரசாணை பிறப்பிக்க மதுரை ஐகோர்ட்டு அதிரடி உத்தரவு
கஜா புயலில் ஓட்டு வீடுகளை இழந்தவர்களுக்கு முழுமையான இழப்பீடு வழங்க வேண்டும். இதுகுறித்து தமிழக அரசு அரசாணை பிறப்பிக்க, மதுரை ஐகோர்ட்டு அதிரடியாக உத்தரவிட்டது.