பெண்களை மிகவும் கீழ்த்தரமாக பேசிய திமுக பேச்சாளருக்கு காங்கிரஸ் செய்தி தொடர்பாளர் குஷ்பு கண்டனம்

தமிழகத்தில் திமுக - காங்கிரஸ் கூட்டணி அமைத்து போட்டியிடுகிறது. பிரசாரம் தீவிரமாக நடக்கிறது. தென்சென்னையில் நடைபெற்ற திமுக சார்பான பொதுக்கூட்டம் ஒன்றில் பேச்சாளர் ஒருவர் பேசிய வீடியோ வைரலாக பரவியது. அவருடைய பேச்சுக்கள் அனைத்தும் மிகவும் கீழ்தரமானவையாக இருந்தது. இதனால் யூடியுப்பில் இருந்து நீக்கப்பட்டது. சிறு, சிறு வீடியோக்கள் டுவிட்டரில் வெளியானது. இதுதொடர்பான சிறு வீடியோவை இணைத்துள்ளவர், குஷ்புவின் அரையை வாங்க தகுதியானவர் என பதிவிட்டிருந்தார்.

வீடியோ தொடர்பாக கருத்தை பதிவு செய்துள்ள காங்கிரஸ் செய்தித்தொடர்பாளர் குஷ்பு கடும் கண்டனங்களை பதிவு செய்துள்ளார். இதுதொடர்பான வீடியோ வெளியான டுவிட்டை இணைத்து திமுக நடவடிக்கை எடுக்க வேண்டும் என வலியுறுத்தியுள்ளார். 

 

'மிகவும் மோசமான... ஏற்றுக்கொள்ள முடியாத, வெட்க கரமான பேச்சாகும். தாங்கள் சொல்வதை நிரூபிக்க ஏன் ஆண்கள் இவ்வளவு தரம் தாழ்ந்து போக வேண்டும் என்று யோசிக்கிறேன். அவர்கள் வீட்டுப் பெண்களைப் பற்றி இதே போன்ற வார்த்தைகளை அவர்கள் கண்டிப்பாக கேட்க விரும்ப மாட்டார்கள். திமுக உடனடியாக இதைப் பார்த்து உடனடி நடவடிக்கை எடுக்கும் என நம்புகிறேன் என தெரிவித்துள்ளார்.