தேசிய செய்திகள்

5வது மக்களவை தேர்தல் (1971); இழந்த தொகுதிகளை கைப்பற்றிய இந்திரா தலைமையிலான காங்கிரஸ் அணி + "||" + 5th Lok Sabha Election (1971); Indira led Congress team gains that lost seats

5வது மக்களவை தேர்தல் (1971); இழந்த தொகுதிகளை கைப்பற்றிய இந்திரா தலைமையிலான காங்கிரஸ் அணி

5வது மக்களவை தேர்தல் (1971); இழந்த தொகுதிகளை கைப்பற்றிய இந்திரா தலைமையிலான காங்கிரஸ் அணி
நாட்டில் நடந்த 5வது மக்களவை தேர்தலில் இந்திரா தலைமையிலான காங்கிரஸ் அணி முந்தைய தேர்தலில் இழந்த பல தொகுதிகளை கைப்பற்றியது.
இந்தியாவில் 5வது மக்களவை தேர்தல் கடந்த 1971ம் ஆண்டு மார்ச்சில் நடந்தது.  இந்த தேர்தல் பிரசாரத்தில் வறுமை ஒழிப்பு பற்றி அதிகம் பேசப்பட்டது.  இதனால் இந்திரா காந்தி தலைமையிலான இந்திய தேசிய காங்கிரஸ் (ஆர்) அமோக வெற்றி பெற்றது.  முந்தைய தேர்தலில் இழந்த பல தொகுதிகளை இந்த தேர்தலில் கைப்பற்றியது.

இதற்கு முந்தைய அரசில் இந்திரா காந்தி மற்றும் மொரார்ஜி தேசாய் இடையே மோதல் போக்கு ஏற்பட்டது.  இதனால் கடந்த 1969ம் ஆண்டு கட்சியில் இருந்து இந்திரா காந்தி வெளியேற்றப்பட்டார்.  இதனை தொடர்ந்து கட்சி உடைந்தது.

காங்கிரஸ் கட்சியின் பெருமளவிலான எம்.பி.க்கள் மற்றும் அடிமட்ட தொண்டர்கள் இந்திரா காந்தியின் இந்திய தேசிய காங்கிரஸ் (ஆர்) அணியில் இணைந்தனர்.  இதனை தேர்தல் ஆணையம் அங்கீகரித்தது.

இந்திரா காந்திக்கு எதிராக 31 எம்.பி.க்கள் இணைந்து இந்திய தேசிய காங்கிரஸ் (ஓ) என்ற அணியை உருவாக்கினர்.  கட்சி உடைந்த நிலையிலும் வலுவான பெரும்பான்மையை இந்திரா தலைமையிலான காங்கிரஸ் அணி பெற்றது.

மொத்தமுள்ள 518 தொகுதிகளில் அந்த அணி 352 தொகுதிகளை (43.68 % வாக்குகள்) கைப்பற்றியது.  இந்திய தேசிய காங்கிரஸ் (ஓ) அணி 16 தொகுதிகளையே (10.43 % வாக்குகள்) கைப்பற்ற முடிந்தது.

இந்த தேர்தலுக்கு பின் கடந்த 1975ம் ஆண்டு ஜூன் 12ந்தேதி இந்திரா காந்தி போட்டியிட்ட தொகுதியில் தேர்தல் முறைகேடுகள் நடந்துள்ளன என கூறி அவரது வெற்றி செல்லாது என அலகாபாத் உயர் நீதிமன்றம் அறிவித்தது.

ஆனால் பதவி விலகுவதற்கு பதிலாக அவர் அவசரகால நிலையை அமல்படுத்தினார்.  இதன்பின் கடந்த 1977ம் ஆண்டு ஜனநாயகம் திரும்பியது.  எதிர்க்கட்சியான மற்றொரு காங்கிரஸ் அணி ஜனதா கட்சி என்ற பெயரில் கூட்டணி கட்சிகளை ஒன்றிணைத்து ஒரு கட்சியை உருவாக்கியது.  இதனால் 1977ம் ஆண்டு நடந்த தேர்தலில் இந்திரா தலைமையிலான காங்கிரஸ் அணி முதன்முறையாக தோல்வியை சந்தித்தது.

தொடர்புடைய செய்திகள்

1. மக்களவை தேர்தல்: வரிசையில் நின்று வாக்களித்தார் முதல் அமைச்சர் பழனிசாமி
சேலம் எடப்பாடியில் உள்ள வாக்குச்சாவடியில் முதல் அமைச்சர் பழனிசாமி, வரிசையில் நின்று தனது வாக்கினை பதிவு செய்தார்.
2. தேனாம்பேட்டையில் உள்ள வாக்குச்சாவடியில் வரிசையில் நின்று வாக்களித்தார் திமுக தலைவர் மு.க.ஸ்டாலின்
அனைவரும் வாக்களிக்க வேண்டும் என்று வாக்களித்த பின் திமுக தலைவர் மு.க ஸ்டாலின் தெரிவித்தார்.
3. வேலூர் மக்களவை தொகுதி தேர்தல் ரத்து செய்யப்பட வாய்ப்பிருப்பதாக தகவல்
கோடிக்கணக்கில் பணம் கைப்பற்றப்பட்டுள்ள நிலையில், வேலூர் மக்களவை தொகுதி தேர்தல் ரத்து செய்யப்பட வாய்ப்பிருப்பதாக தகவல் வெளியாகியுள்ளது.
4. வாக்காளர்கள் ஜனநாயக கடமை ஆற்றி சாதனை நிகழ்த்த வேண்டும் : பிரதமர் மோடி வேண்டுகோள்
முதல் கட்ட தேர்தல் நடைபெறும் தொகுதிகளில் உள்ள வாக்காளர்கள் தவறாது தங்கள் ஜனநாயக கடமையை ஆற்ற வேண்டும் என்று பிரதமர் மோடி கோரிக்கை விடுத்துள்ளார்.
5. 17-வது மக்களவை தேர்தல்: முதல் கட்ட தேர்தலுக்கான வாக்குப்பதிவு தொடங்கியது
17-வது மக்களவை தேர்தலுக்கான முதல்கட்ட வாக்குப்பதிவு துவங்கி நடைபெற்று வருகிறது. மக்கள் ஆர்வமுடன் வாக்களித்து வருகின்றனர்.