“பெரியார் புகழ் ஓங்குக” பெரியார் பிறந்த நாளில் தமிழில் டுவிட் செய்த பினராயி விஜயன்

திருவனந்தபுரம்,

தந்தை பெரியாரின் 141வது பிறந்த நாள் விழா, தமிழகம் மற்றும் புதுச்சேரியில்  விமரிசையாக கொண்டாடப்பட்டது. 

இந்தநிலையில், பெரியார் பிறந்தநாளையொட்டி, கேரள முதல்-மந்திரி பினராயி விஜயன் டுவிட்டரில் வாழ்த்து தெரிவித்துள்ளார்.  இது தொடர்பாக, டுவிட்டரில் தமிழில் பதிவிட்டுள்ள அவர்,  பிற்போக்குத்தனம், அநீதி, ஏற்றத்தாழ்வு ஆகியவற்றை எதிர்த்துப் போராடும் அனைவருக்கும் பெரியார் தொடர்ந்து உந்து சக்தியாகத் திகழ்வதாகவும், பெரியார் புகழ் ஓங்குக என்றும் குறிப்பிட்டுள்ளார்.