தேசிய செய்திகள்

முதல்வர் பதவியில் உறுதியாக உள்ளோம் : சிவசேனா மீண்டும் திட்டவட்டம் + "||" + Sena firm on CM post; asks BJP not to misuse interim govt norm

முதல்வர் பதவியில் உறுதியாக உள்ளோம் : சிவசேனா மீண்டும் திட்டவட்டம்

முதல்வர் பதவியில் உறுதியாக உள்ளோம் : சிவசேனா மீண்டும் திட்டவட்டம்
முதல்வர் பதவியை பகிர்ந்து கொள்ள வேண்டும் என்பதில் உறுதியாக உள்ளோம் என்று சிவசேனா மீண்டும் திட்டவட்டமாக தெரிவித்துள்ளது.
புதுடெல்லி,

288 உறுப்பினர்களை கொண்ட மராட்டிய சட்டசபைக்கு நடந்த தேர்தலில் பாரதீய ஜனதா 105 இடங்களிலும், கூட்டணி கட்சியான சிவசேனா 56 இடங்களிலும் வெற்றி பெற்றன. 145 எம்.எல்.ஏ.க்கள் ஆதரவு தேவை என்ற நிலையில் 161 இடங்களை கைப்பற்றிய அந்த கூட்டணி உடனடியாக ஆட்சி அமைக்கும் என்று எதிர்பார்க்கப்பட்டது. 

ஆனால் முதல்-மந்திரி பதவியை இரு கட்சிகளும் தலா 2½ ஆண்டுகள் சுழற்சி முறையில் பகிர்ந்து கொள்ள வேண்டும் என்பதில் சிவசேனா பிடிவாதமாக உள்ளது. அதை பாரதீய ஜனதா ஏற்க மறுத்து விட்டதால், தேர்தல் முடிவுகள் வெளியாகி நேற்றுடன் 15 நாட்கள் முடிந்த போதிலும் ஆட்சி அமைப்பதில் இழுபறி நிலை நீடிக்கிறது.

சிவசேனா ஆட்சி அமைக்க ஆதரவு அளிக்க மாட்டோம் என்று காங்கிரஸ் தலைவர் சோனியா காந்தியை சந்தித்த பிறகு தேசியவாத காங்கிரஸ் தலைவர் சரத்பவார் திட்டவட்டமாக அறிவித்தார். இதனால் பாரதீய ஜனதா, சிவசேனா கட்சிகள்தான் ஆட்சி அமைத்தாக வேண்டும் என்ற நிலை ஏற்பட்டது. 

சரத்பவாரின் அறிவிப்பை தொடர்ந்து, அந்த கட்சிகள் இடையே திரைமறைவில் நடந்த பேச்சுவார்த்தையில் பிரச்சினை முடிவுக்கு வந்ததாகவும் கூறப்பட்டது. ஆனால் முதல்-மந்திரி பதவியை பெறும் முடிவில் எந்த மாற்றமும் இல்லை என்று சிவசேனா எம்.பி. சஞ்சய் ராவத் நேற்றும் உறுதிப்பட கூறினார். இதனால் இழுபறி நிலை முடிவுக்கு வராமல் உள்ளது.  மராட்டிய சட்டமன்றத்தின் தற்போதைய பதவிக்காலம் நாளையுடன் முடிவடைய உள்ள நிலையில், மராட்டிய அரசியல் குழப்பத்திற்கு தீர்வு கிடைத்தபாடில்லை. 

இந்த சூழலில், சிவசேனாவின் மூத்த தலைவர்களில் ஒருவரான சஞ்செய் ராவத், முதல் மந்திரி பதவியை நாங்கள் பெறுவதில் உறுதியாக உள்ளோம் என்று தெரிவித்துள்ளார்.  மேலும், முதல் மந்திரி பதவியை பகிர்ந்து கொள்ள சம்மதம் தெரிவித்தால் மட்டுமே பாஜக, உத்தவ் தாக்ரேவை ஆட்சி அமைப்பது தொடர்பாக அணுக வேண்டும் என்று தெரிவித்துள்ள சஞ்செய் ராவத், காபந்து அரசில் இருப்பதை முறைகேடாக பாஜக பயன்படுத்தக்கூடாது என்றும் தெரிவித்துள்ளார்.

தொடர்புடைய செய்திகள்

1. 108 ஆம்புலன்ஸ் காலதாமதமாக வருகிறதா? - சட்டசபையில் அமைச்சர் டாக்டர் விஜயபாஸ்கர் பதில்
108 ஆம்புலன்ஸ் காலதாமதமாக வருகிறதா? என்று சட்டசபையில் தி.மு.க. எம்.எல்.ஏ. எழுப்பிய கேள்விக்கு, அமைச்சர் டாக்டர் விஜயபாஸ்கர் பதில் அளித்துள்ளார்.
2. ராணுவத்தில் பெண்களின் உடல் திறன் குறித்து கேள்வி எழுப்புவது மத்திய அரசின் பிற்போக்கு மனநிலையை காட்டுகிறது சிவசேனா தாக்கு
ராணுவத்தில் பெண்களின் உடல் திறன் குறித்து கேள்வி எழுப்புவது மத்திய அரசின் பிற்போக்கு மனநிலையை காட்டுகிறது என சிவசேனா தெரிவித்து உள்ளது.
3. உண்மைக்கு மாறான வதந்திகளை பரப்பி போராட்டத்தை தூண்டி விடுகிறார்கள் - சட்டசபையில் எடப்பாடி பழனிசாமி பரபரப்பு குற்றச்சாட்டு
வண்ணாரப்பேட்டை சம்பவம் குறித்து சட்டசபையில் நேற்று விளக்கம் அளித்து பேசிய முதல்-அமைச்சர் எடப்பாடி பழனிசாமி, உண்மைக்கு மாறான வதந்திகளை பரப்பி போராட்டத்தை தூண்டி விடுகிறார்கள் என்ற பரபரப்பான குற்றச்சாட்டை கூறினார்.
4. கொரோனா வைரஸ் பரவல்: பேரழிவுக்கான உயிரி ஆயுதமா என்பதை கண்டுபிடிக்க வேண்டும்; சிவசேனா சொல்கிறது
சீனாவில் தொடங்கிய கொரோனா வைரஸ் உலகம் முழுவதும் பரவி வருகிறது. இது தொடர்பாக சிவசேனா கட்சியின் அதிகாரப்பூர்வ நாளேடான ‘சாம்னா’வின் தலையங்கத்தில் கூறியிருப்பதாவது:-
5. நாக்பூர் மாவட்ட பஞ்சாயத்து தேர்தல் தோல்வி: பா.ஜனதா மீது கிராமப்புற மக்கள் அதிருப்தி; சிவசேனா சொல்கிறது
நாக்பூர் மாவட்ட பஞ்சாயத்து தேர்தலில் பாரதீய ஜனதா தோல்வி அக்கட்சி மீது கிராமப்புற மக்கள் அதிருப்தியில் உள்ளதை காட்டுகிறது என சிவசேனா தெரிவித்து உள்ளது.