தேசிய செய்திகள்

பெங்களூரு முழுவதும் நாளை முதல் வரும் 21ம் தேதி வரை 144 தடை உத்தரவு பிறப்பிப்பு + "||" + Large Gatherings Banned In Karnataka Amid Citizenship Act Protests

பெங்களூரு முழுவதும் நாளை முதல் வரும் 21ம் தேதி வரை 144 தடை உத்தரவு பிறப்பிப்பு

பெங்களூரு முழுவதும் நாளை முதல் வரும் 21ம் தேதி வரை 144 தடை உத்தரவு பிறப்பிப்பு
கர்நாடகாவில் தலைநகர் பெங்களூரு உள்பட பல இடங்களில் நாளை முதல் வரும் 21ம் தேதி வரை 144 தடை உத்தரவு பிறப்பிக்கப்பட்டுள்ளதாக அதிகாரிகள் தரப்பில் தெரிவிக்கப்பட்டுள்ளது.
பெங்களூரு, 

மத்தியில் ஆளும் பாரதீய ஜனதா கூட்டணி அரசு, சமீபத்தில் நாடாளுமன்றத்தில் குடியுரிமை திருத்த சட்ட மசோதா கொண்டு வந்து நிறைவேற்றியது. ஜனாதிபதி ராம்நாத் கோவிந்த் கடந்த 12–ந் தேதி ஒப்புதல் அளித்ததை தொடர்ந்து அந்த மசோதா, சட்டமாகி உள்ளது. 

பாகிஸ்தான், வங்காளதேசம், ஆப்கானிஸ்தான் ஆகிய அண்டை நாடுகளில் இருந்து மத ரீதியிலான துன்புறுத்தல்களால் வெளியேறி, இந்தியாவில் தஞ்சம் புகுந்த முஸ்லிம்கள் அல்லாத பிற சிறுபான்மையினருக்கு குடியுரிமை வழங்க இந்த சட்டம் வகை செய்துள்ளது.இந்த சட்டத்துக்கு எதிராக அசாம் உள்ளிட்ட வட கிழக்கு மாநிலங்களில் தொடங்கிய போராட்டங்கள், நாடு முழுவதும் பரவி வருகிறது.

இந்த நிலையில், குடியுரிமை சட்ட திருத்தத்திற்கு எதிராக கர்நாடக மாநிலம் பெங்களூருவில் இடது சாரி அமைப்புகளும் முஸ்லீம் அமைப்புகளும் நாளை போராட்டத்திற்கு அழைப்பு விடுத்துள்ளன.  இதையடுத்து, பெங்களூரு நகரம் முழுவதும் நாளை காலை 6 மணி முதல் அடுத்த மூன்று தினங்களுக்கு 144 தடை உத்தரவு பிறப்பிக்கப்பட்டுள்ளதாக பெங்களூரு நகர காவல்துறை ஆணையர் அறிவித்துள்ளார்.  கர்நாடக மாநிலத்தில் பல இடங்களிலும், மக்கள் திரளாக கூட தடை விதிக்கப்பட்டுள்ளதாக அதிகாரிகள் தரப்பில் கூறப்படுகிறது. 

தொடர்புடைய செய்திகள்

1. இட ஒதுக்கீட்டை பெறுவதற்கான கிரீமிலேயரை முழுமையாக நீக்க வேண்டும் - மத்திய அரசுக்கு, டாக்டர் ராமதாஸ் வலியுறுத்தல்
இட ஒதுக்கீட்டை பெறுவதற்கான கிரீமிலேயரை மத்திய அரசு முழுமையாக நீக்க வேண்டும் என டாக்டர் ராமதாஸ் வலியுறுத்தியுள்ளார். இடஒதுக்கீடு மறுக்கப்படுகிறது பா.ம.க. நிறுவனர் டாக்டர் ராமதாஸ் வெளியிட்டுள்ள அறிக்கையில் கூறியிருப்பதாவது:-
2. தமிழகத்துக்கு தூய்மை இந்தியா திட்ட நிதி எப்போது வழங்கப்படும்? - மத்திய அரசுக்கு ஐகோர்ட்டு கேள்வி
தமிழகத்துக்கு தூய்மை இந்தியா திட்டத்தின் 2-ம் கட்ட நிதி எப்போது வழங்கப்படும்? என்பது குறித்து மத்திய அரசு பதிலளிக்க வேண்டும் என்று சென்னை ஐகோர்ட்டு உத்தரவிட்டுள்ளது.
3. எடியூரப்பா தலைமையிலான அமைச்சரவையில் மேலும் 10 எம்எல்ஏக்கள் அமைச்சர்களாக பதவியேற்பு
அதிருப்தி எம்.எல். ஏ.க்கள் போர்க்கொடி உயர்த்தி உள்ள நிலையில் கர்நாடக மந்திரிசபை இன்று விரிவாக்கம் செய்யப்பட்டது.
4. கர்நாடகத்தில் பா.ஜனதா அதிருப்தி எம்.எல்.ஏ.க்கள் திடீர் போர்க்கொடி: முதல்-மந்திரி எடியூரப்பாவுக்கு நெருக்கடி
மந்திரி பதவி கேட்டு பா.ஜனதா அதிருப்தி எம்.எல்.ஏ.க்கள் போர்க்கொடி உயர்த்தி உள்ளதால் கர்நாடகத்தில் முதல்-மந்திரி எடியூரப்பாவுக்கு நெருக்கடி ஏற்பட்டுள்ளது.
5. வேலைவாய்ப்பை உருவாக்குவதில் மத்திய அரசு தோல்வி - ராகுல் காந்தி
இளைஞர்களுக்கு வேவைவாய்ப்பை உருவாக்குவதில் மத்திய அரசு தோல்வி அடைந்துள்ளதாக ராகுல் காந்தி கண்டனம் தெரிவித்துள்ளார்.