<
பெற்றோர்கள் பிறந்த இடம் எனக்கு தெரியாது என்னை தடுப்புக்காவல் மையத்திற்கு அனுப்புங்கள்- ராஜஸ்தான் முதல்வர் ஆவேசம்
அசோக் கெலாட் ;PTI Photo
எனது பெற்றோர்கள் பிறந்த இடம் எனக்கு தெரியாது என்னை தடுப்புக்காவல் மையத்திற்கு அனுப்புங்கள் என குடியுரிமை (திருத்தம்) சட்டத்திற்கு எதிரான போராட்டத்தில் ராஜஸ்தான் முதல்வர் அசோக் கெலாட் ஆவேசமாக பேசினார்.
ஜெய்ப்பூர்
நாட்டில் அமைதி மற்றும் நல்லிணக்கத்தை பேணுவதற்காக திருத்தப்பட்ட குடியுரிமைச் சட்டத்தை மையம் திரும்பப் பெற வேண்டும் என்று ராஜஸ்தான் முதல்வர் அசோக் கெலாட் கூறி உள்ளார்.
ராஜஸ்தான் மாநிலம் ஜெய்ப்பூரில் குடியுரிமை (திருத்தம்) சட்டத்திற்கு எதிரான போராட்டத்தில் கலது கொண்டு ராஜஸ்தான் முதல்வர் அசோக் கெலாட் கூறியதாவது:-
குடியுரிமை (திருத்த) சட்டத்தை மத்திய அரசு மறுபரிசீலனை செய்ய வேண்டும். இது அரசியலமைப்பின் ஆன்மாவுக்கு எதிரானது, மேலும் அதை திரும்பப் பெற முன்வர வேண்டும், இதனால் அமைதியையும் நல்லிணக்கத்தையும் பேண முடியும்,.
காங்கிரசும் மாநில அரசும் அவர்களுக்கு துணையாக இருக்கும். தேவைப்பட்டால், முதலில் நான் ஒரு தடுப்பு மையத்திற்குச் செல்வேன் பெற்றோரின் பிறப்பிடம் குறித்த தகவல்கள் தேசிய மக்கள் தொகை பதிவேட்டில் (என்.பி.ஆர்) கேட்கப்படுகிறது.
என்னால் விவரங்களை வழங்க முடியாவிட்டால், நானும் ஒரு தடுப்புக்காவல் மையத்தில் வைக்கும் படு கேட்டுக்கொள்வேன். எனது பெற்றோரின் பிறப்பிடம் எனக்குத் தெரியாது. நீங்கள் உறுதியாக இருங்கள், இதுபோன்ற நிலை வந்தால் நான் முதலில் தடுப்புக்காவல் மையம் செல்வேன். அசாமில் உள்ள பாஜக அரசு என்ஆர்சியை செயல்படுத்த மறுத்து உள்ளது.
ஒரு சட்டத்தை உருவாக்குவது ஒரு அரசாங்கத்தின் உரிமை, ஆனால் மக்களின் உணர்வுகளுக்கு ஏற்ப ஒரு அரசாங்கம் ஆட்சி செய்ய வேண்டும்.டெல்லியின் ஷாஹீன் பாக் போலவே, ராஜஸ்தான் உள்பட நாடு முழுவதும் பல இடங்களில் போராட்டங்கள் நடைபெற்று வருகின்றன.மக்களின் பொதுவான உணர்வுகளை அரசு புரிந்து கொள்ள வேண்டும்.
மத்திய அரசு தனது முடிவை மறுபரிசீலனை செய்ய வேண்டும் என்று நாங்கள் விரும்புகிறோம்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
