டெல்லியில் 2,889 பேருக்கு கொரோனா பாதிப்பு உறுதி

புதுடெல்லி,

நாட்டில் கொரோனா பாதிப்பு மற்றும் உயிரிழப்பு எண்ணிக்கையில் மராட்டியத்திற்கு அடுத்து டெல்லி 2வது இடத்தில் உள்ளது.  டெல்லியில் கொரோனா பாதிப்பு எண்ணிக்கை 80 ஆயிரத்து 188 ஆக நேற்று உயர்ந்து இருந்தது.  பலி எண்ணிக்கை 2,558 ஆக இருந்தது.  இதேபோன்று இதுவரை குணமடைந்தோர் எண்ணிக்கை 49 ஆயிரத்து 301 ஆகவும், 28,329 பேர் தொடர் சிகிச்சை பெற்றும் வருகின்றனர்.

டெல்லியில் நேற்று வரை 2,558 பேர் பலியாகி இருந்தனர்.  இந்நிலையில், டெல்லி அரசு இன்று வெளியிட்டுள்ள செய்தியில், டெல்லியில் 2,889 பேருக்கு கொரோனா பாதிப்பு இன்று உறுதி செய்யப்பட்டு உள்ளது.  இதனால் மொத்த பாதிப்பு 83,077 ஆக உயர்ந்து உள்ளது.  இதுவரை 52,607 பேர் குணமடைந்து சென்றுள்ளனர்.

டெல்லியில் இன்று ஒரே நாளில் 65 பேர் கொரோனா பாதிப்புக்கு உயிரிழந்து உள்ளனர்.  இதனால் மொத்த எண்ணிக்கை 2,623 ஆக உயர்ந்துள்ளது என்று தெரிவித்து உள்ளது.