இந்தியாவின் மக்கள் தொகை 2100 ஆம் ஆண்டில் படிப்படியாக 109 கோடியாக குறையும்


இந்தியாவின் மக்கள் தொகை 2100 ஆம் ஆண்டில் படிப்படியாக 109 கோடியாக குறையும்
x
தினத்தந்தி 16 July 2020 5:01 AM GMT (Updated: 2020-07-16T10:31:30+05:30)

இந்தியாவின் மக்கள் தொகை 2048 ஆம் ஆண்டில் 160 கோடியாக உயரும், அதன் பின்னர் அது 2100 ஆம் ஆண்டில் படிப்படியாக 109 கோடியாக குறையும் என ஆய்வில் தெரியவந்து உள்ளது.

புதுடெல்லி 

இந்தியாவின் மக்கள் தொகை 2048 ஆம் ஆண்டில் 160 கோடியாக உயரும், அதன் பின்னர் அது 2100 ஆம் ஆண்டில் படிப்படியாக 109 கோடியாக குறையும் என்று உலகளாவிய நோய் பாதிப்பு குறித்த  2017 ஆய்வில்
தெரியவந்து உள்ளது.

அமெரிக்காவின் வாஷிங்டன் பல்கலைக்கழகத்துடன் இணைந்து ஆராய்ச்சியாளர்கள் மக்கள் தொகை குறித்து ஆராய்ச்சி நடத்தினர். 2017 உலகளாவிய நோய் பாதிப்பு குறித்த ஆராய்ச்சி தகவல்கள் மற்றும் இந்தியா, அமெரிக்கா, சீனா மற்றும் ஜப்பான் உள்ளிட்ட 195 நாடுகளுக்கான எதிர்கால உலகளாவிய, பிராந்திய மற்றும் தேசிய மக்கள்தொகை மற்றும் அவற்றின் இறப்பு, கருவுறுதல் மற்றும் இடம்பெயர்வு விகிதங்களை திட்டமிட புதிய மாதிரிகள் ஆகியவற்றை கொண்டு இந்த புள்ளிவிவரங்களை ஆராய்ச்சி செய்துள்ளனர்.

195 நாடுகளை உள்ளடக்கிய  ஆய்வின்படி, கலப்பு பொருளாதார மற்றும் சமூக ரீதியான கண்டுபிடிப்புகள் நாட்டிற்கான தாக்கங்களை கொண்டு இந்த ஆய்வு நடத்த்ப்பட்டு உள்ளது.

தி லான்செட் இதழில் வெளியிடப்பட்ட ஐ.நா மக்கள் தொகை ஆய்வின்படி, 2064 ஆம் ஆண்டில் உலக மக்கள் தொகை 973 கோடியாக  உயரும், அதன் பின்னர் அது 2100 இல் 879 கோடியாக  சுருங்கிவிடும் என கூறப்பட்டு இருந்தது. ஆனால் இந்த கணிப்புகள் ஐ.நா. மக்கள்தொகையை விட சுமார் 200 கோடி குறையும் என மதிப்பிடப்பட்டு உள்ளது

உலகின் மிக அதிக மக்கள் தொகை கொண்ட இரண்டு நாடுகளான சீனா மற்றும் இந்தியா ஆகிய இரண்டும் 2050 க்கு முன்னர் மக்கள்தொகை உச்சங்களை பதிவு செய்யும், அதைத் தொடர்ந்து அவை கூர்மையான சரிவை ஏற்படுத்தும். 2100 ஆம் ஆண்டில், சீனாவின் மக்கள் தொகை அதன் உச்ச மக்கள்தொகையில் 51.1 சதவீதமாக  ஆக இருக்கும், மேலும் இந்தியாவின் மக்கள் தொகை 68.1 சதவீதமாக இருக்கும் என்று பகுப்பாய்வு தெரிவித்துள்ளது.

2100 ஆம் ஆண்டில் ஐந்து பெரிய நாடுகளான இந்தியா (109 கோடி) நைஜீரியா (79.1 கோடி) [594-1056]), சீனா (73.2 கோடி, அமெரிக்கா (33.6 கோடி), மற்றும் பாகிஸ்தான் (24.8 கோடியாக இருக்கும் என மதிப்பிடப்பட்டு உள்ளது. 

2035 ஆம் ஆண்டளவில் சீனா மிகப்பெரிய பொருளாதாரமாக மாறும் என்று கணிக்கப்பட்டது, ஆனால் தற்போதைய  சூழ்நிலையில், அமெரிக்கா மீண்டும் ஒரு முறை மாறும் என்று கணிக்கப்பட்டது

துணை-சஹாரா ஆப்பிரிக்காவின் மக்கள் தொகை 2017 இல் 103 கோடியில் இருந்து 2100 இல் 307 கோடியாக மூன்று மடங்காக உயரும். ஆசியா மற்றும் கிழக்கு ஐரோப்பா பதிவுசெய்த நிலையில், 2017 ஆம் ஆண்டை விட 2100 ஆம் ஆண்டில் ஒரு பெரிய மக்கள் தொகையை கொண்டிருக்கும் மற்றுமொரு பிராந்திய கணிப்பு வடக்கு மற்றும் மத்திய கிழக்கு ஆகும். ஜப்பான், தாய்லாந்து, இத்தாலி, ஸ்பெயின், போர்ச்சுகல் மற்றும் தென் கொரியா உட்பட குறைந்தது 23 நாடுகளின் மக்கள் தொகை குறைந்தது 50 சதவீதம் ஆகக் குறையக்கூடும் என கூறப்பட்டு உள்ளது.

"சுருங்கிவரும் உலகளாவிய மக்கள்தொகைக்கான  கணிப்புகள் சுற்றுச்சூழல், காலநிலை மாற்றம் மற்றும் உணவு உற்பத்திக்கு சாதகமான தாக்கங்களைக் கொண்டுள்ளன, ஆனால் தொழிலாளர் சக்திகள், பொருளாதார வளர்ச்சி மற்றும் உலகின் பல பகுதிகளில் சமூக ஆதரவு அமைப்புகளுக்கு எதிர்மறையான தாக்கங்கள் ஏற்படுகின்றன என ஆய்வில் கூறப்ப்ட்டு உள்ளது.

2100 ஆம் ஆண்டில் 65 வயதிற்கு மேற்பட்ட 237 கோடி  மக்கள் இருப்பர்.  20 வயதிற்குட்பட்ட 170 கோடி மக்கள் இருப்பர். இதனை ஒப்பிடும்போது, உலகளாவிய வயது அமைப்பு வியத்தகு முறையில் மாறும், இது கணிசமாக குறைந்து வரும் உழைக்கும் வயது மக்கள்தொகை கொண்ட நாடுகளில் தாராளவாத குடியேற்றக் கொள்கைகளின் தேவையை அடிக்கோடிட்டுக் காட்டுகிறது.

2017-ல் இந்தியாவில் வேலைக்கு தகுதியான வயதுடைய நபர்கள் 76.2 கோடியாக இருந்த நிலையில், 2100-ல் அது 57.8 கோடியாக குறையும். சீனாவில் 2017-ல் 95 கோடியாக இருந்த நிலையில், 2100-ல் 35.7 கோடியாக குறையும் எனத் தெரிவித்துள்ளனர்.

2100 ஆம் ஆண்டில் இந்தியா இரண்டாவது பெரிய நிகர குடியேற்றத்தைக் கொண்டிருக்கும் என்று கணிக்கப்பட்டுள்ளது.


Next Story