தேசிய செய்திகள்

விதிமுறைகளை பின்பற்றாவிட்டால் 3-வது அலை மோசமாக இருக்கும்- நிபுணர்கள் எச்சரிக்கை + "||" + Third COVID-19 Wave? Doctors Warn Of Another ‘Worse Wave’ If Norms Are Not Followed Amid Unlock

விதிமுறைகளை பின்பற்றாவிட்டால் 3-வது அலை மோசமாக இருக்கும்- நிபுணர்கள் எச்சரிக்கை

விதிமுறைகளை பின்பற்றாவிட்டால் 3-வது அலை மோசமாக இருக்கும்-  நிபுணர்கள் எச்சரிக்கை
டெல்லியில் விதிமுறைகளை பின்பற்றாவிட்டால் 2-வது அலையை விட மோசமான நிலை ஏற்படும் என்று மருத்துவ நிபுணர்கள் எச்சரிக்கை விடுத்துள்ளனர்.
புதுடெல்லி, 

டெல்லியில் கொரோனாவின் 2-வது அலை தாக்கம் குறைந்துள்ளது. இதனால் மாநில அரசு தளர்வுகளை அறிவித்து வருகிறது. சந்தைகள், ஓட்டல்கள் உள்ளிட்ட பொது இடங்களில் மக்கள் நெருக்கமாக கூடி வரத்தொடங்கி உள்ளனர். ஆனால், மக்கள் கொரோனா கால வழிகாட்டும் விதிமுறைகளை பின்பற்றாவிட்டால், 2-வது அலையை விட மோசமான நிலையை எதிர்கொள்ள நேரிடும் என்று டாக்டர்கள் எச்சரித்துள்ளனர்.

இதுபற்றி டெல்லி அப்பல்லோ ஆஸ்பத்திரியின் மூத்த டாக்டர் சுரன்ஜித் சாட்டர்ஜி கூறும்போது, “கொரோனா கால பாதுகாப்பு விதிமுறைகளை மக்கள் பின்பற்றவில்லை என்றால், மீறல்கள் ஏற்பட்டால், விதிமுறைகளை கடுமையாக அமல்படுத்தாவிட்டால் எங்களுக்கு மீண்டும் பிரச்சினைதான்” என குறிப்பிட்டார். 

மேலும் “மக்கள் முக கவசம் அணியாமல், தனிமனித இடைவெளியை பின்பற்றாமல், சட்டம் ஒழுங்கை அமல்படுத்துவோர் அவர்களுக்கு அபராதம் விதிக்கவில்லை என்றால், நிச்சயமாக பிரச்சினை ஏற்படும். இரண்டாவது அலையை விட மோசமான நிலை ஏற்படும்” என்றும் அவர் எச்சரித்தார்.

இந்நிலையில், புதிதாக கண்டுபிடிக்கப்பட்டுள்ள ‘டெல்டா பிளஸ்’ உருமாற்ற கொரோனா வைரஸ் 3ஆவது அலைக்கு அடித்தளமிடுமா என்ற பீதி ஏற்பட்டுள்ளது. வேகமாக பரவி வரும் இது, தடுப்பூசியால் பெற்ற நோய் எதிர்ப்பு சக்தியையும் மீறி தாக்கும் வல்லமை கொண்டது என நிபுணர்கள் எச்சரித்துள்ளனர்.

இந்தியாவில் 2ஆவது அலை வெகுவாக குறைந்து வரும் நிலையில், இன்னும் சில மாதங்களில் 3ஆவது அலை ஏற்பட வாய்ப்பிருப்பதாக நிபுணர்கள் எச்சரித்துள்ளனர். கடந்த மார்ச் மாதம், ஏஒய்.1 எனப்படும் இந்த புதிய உருமாற்ற வகை கொரோனா வைரசை ஆய்வாளர்கள் கண்டறிந்தனர். இந்த வைரசின் ஸ்பைக் புரதம் கே417என் என்ற உருமாற்ற வகையை சேர்ந்ததாக அடையாளப்படுத்தப்பட்டுள்ளது. இந்த ஸ்பைக் புரதம், மனித உடலில் உள்ள நோய் எதிர்ப்பு மண்டலத்தை தாண்டி பாதிக்கக் கூடியது என கூறப்படுகின்றது.

இதனால், தடுப்பூசி மூலம் பெற்ற நோய் எதிர்ப்பு சக்தியை மீறி தாக்கக் கூடியது என்பதால், தற்போது 2 டோஸ் தடுப்பூசி போட்டவர்களுக்கும் டெல்டா பிளஸ் வைரஸ் தாக்கும் அபாயம் இருப்பதாக நிபுணர்கள் கருதுகின்றனர். 

தொடர்புடைய செய்திகள்

1. விதிகளை மீறி செயல்படும் கடைகள் மீது கடும் நடவடிக்கை எடுக்க கோரிக்கை
ஜெயங்கொண்டத்தில் கொரோனா பரவும் வகையில் விதிமுறைகளை மீறி செயல்படும் கடைகள் மீது கடும் நடவடிக்கை எடுக்க வேண்டும் என்று சமூக ஆர்வலர்கள் கோரிக்கை விடுத்துள்ளனர்.
2. முக கவசம் அணியாத, சமூக இடைவெளி கடைபிடிக்காதவர்களிடம் ரூ.3½ லட்சம் அபராதம் வசூல்
அரியலூர் மாவட்டத்தில் முக கவசம் அணியாத, சமூக இடைவெளி கடைபிடிக்காதவர்களிடம் ரூ.3½ லட்சம் அபராதம் வசூலிக்கப்பட்டது.
3. மாவட்டம் முழுவதும் கொரோனா தடுப்பு விதிமுறைகள் முற்றிலும் புறக்கணிப்பு
முழு ஊரடங்கு இன்று தொடங்கும் நிலையில் மாவட்டம் முழுவதும் கொரோனா தடுப்புவிதிமுறைகள் முற்றிலும் புறக்கணிக்கப்பட்ட நிலை இருந்தது.
4. ஊரடங்கு விதிமுறைகளை பின்பற்றாத கடைகளுக்கு ‘சீல்’; ஆலோசனை கூட்டத்தில் எச்சரிக்கை
ஊரடங்கு விதிமுறைகளை பின்பற்றாத கடைகளுக்கு ‘சீல்’ வைக்கப்படும் என்று ஆலோசனை கூட்டத்தில் எச்சரிக்கை விடுக்கப்பட்டது.
5. கொரோனா பரவலின் 2-வது அலை மே மாத இறுதியில் வீழ்ச்சி அடையும்; இந்திய விஞ்ஞானிகள் கணிப்பு
கொரோனா நோய் பரவலின் 2-வது அலை இந்த மாதத்தின் மத்தியில் உச்சம் பெற்று மே மாத இறுதியில் வீழ்ச்சி அடையும் என்று இந்திய விஞ்ஞானிகள் கணித்து உள்ளனர்.