கொரோனா பாதிப்பு: டெல்லியில் இன்று உயிரிழப்பு இல்லை

புதுடெல்லி,

டெல்லியில் கடந்த 24 மணி நேரத்தில் 41 பேருக்கு கொரோனா வைரஸ் தொற்று உறுதி செய்யப்பட்டுள்ளது.  தொற்று பாதிப்பில் இருந்து மேலும் 44-பேர் குணம் அடைந்துள்ளனர். சற்று நிம்மதி அளிக்கும் வகையில் இன்று தொற்று பாதிப்பால் உயிரிழப்பு எதுவும் ஏற்படவில்லை. டெல்லியில் தொற்று பாதிப்புடன் சிகிச்சையில் உள்ளவர்கள் எண்ணிக்கை 404- ஆக உள்ளது. தொற்று பாதிப்பைக் கண்டறிய இன்று 68,624 மாதிரிகள் பரிசோதிக்கப்பட்டுள்ளன.

டெல்லியில் இதுவரை தொற்று பாதித்தவர்கள் எண்ணிக்கை 14 லட்சத்து 38 ஆயிரத்து 469- ஆக உயர்ந்துள்ளது. தொற்று பாதிப்பில் இருந்து இதுவரை குணம் அடைந்தவர்கள் எண்ணிக்கை  14 லட்சத்து 12 ஆயிரத்து 980- ஆக உள்ளது. அதேபோல், தொற்று பாதிப்பால் இதுவரை உயிரிழந்தவர்கள் எண்ணிக்கை 28,085- ஆக உயர்ந்துள்ளது.