தேசிய செய்திகள்

அயோத்தி ராமர் கோவில் கருவறையை ஒளிரச்செய்ய சூரியக்கதிர்கள்: அறக்கட்டளை தகவல் + "||" + Sun Rays to Illuminate Sanctum Sanctorum of Ram Temple in Ayodhya: Trust Member

அயோத்தி ராமர் கோவில் கருவறையை ஒளிரச்செய்ய சூரியக்கதிர்கள்: அறக்கட்டளை தகவல்

அயோத்தி ராமர் கோவில் கருவறையை ஒளிரச்செய்ய சூரியக்கதிர்கள்: அறக்கட்டளை தகவல்
அயோத்தியில் உள்ள ராமர் கோவிலின் கருவறையில் சூரிய கதிர்கள் ஒளிரும்படி கட்டப்படுவதாக அறக்கட்டளை தெரிவித்துள்ளது.
அயோத்தி,

அயோத்தியில் ராமர் கோவிலின் கட்டுமானப்பணிகள் விறுவிறுப்பாக நடைபெற்று வருகிறது. இதில் கோவிலின் கருவறையில் சூரிய கதிர்கள் ஒளிரும்படி கட்டப்படுவதாக அறக்கட்டளை தெரிவித்துள்ளது. இதுகுறித்து ஸ்ரீ ராம ஜென்மபூமி திரத் சேத்ரா அறக்கட்டளை உறுப்பினர் கூறுகையில்,

ஒவ்வொரு ராம நவமியின் போதும் சூரியக் கதிர்கள் கருவறையில் உள்ள ராமரின் மீது விழுந்து அழகுபடுத்தும் விதத்தில் கோவிலை வடிவமைக்கும் திட்டம் நடந்து வருகிறது. இது தொடர்பாக விஞ்ஞானிகள், வானியலாளர்கள் மற்றும் தொழில்நுட்ப வல்லுநர்களுடன் ஆலோசனை நடைபெற்று வருகிறது. இந்த வடிவமைப்பு ஒடிசாவின் கோனார்க்கில் உள்ள 13 ஆம் நூற்றாண்டைச் சேர்ந்த சூரியக் கோவிலை போன்றதாக இருக்கும் என்று அவர் கூறினார். 

அறக்கட்டளையின் மற்றொரு மூத்த அதிகாரி கூறுகையில், ஸ்ரீ ராமர் கோவில் கட்டுமான பணிகள் வேகமாக நடந்து வருகிறது. டிசம்பர் 2023-க்குள், கருவறையின் கட்டுமானப் பணிகள் முடிவடைந்து, பக்தர்கள் தரிசனம் செய்யும் வகையில் பணிகள்  மேற்கொள்ளப்படுகின்றன. அஸ்திவாரத்தின் முதல் கட்டம் நிறைவடைந்துள்ளதாகவும், இரண்டாவது கட்டம் நவம்பர் மாதத்தில் முடிவடையும் என்றும் அவர் தெரிவித்தார்.

கோவிலின் மேல்மட்ட கட்டுமானம் ஏப்ரல் 2022 முதல் தொடங்கும் என்று எதிர்பார்க்கப்படுகிறது என்றார். கோவிலைக் கட்டுவது தொடர்பாக முந்தைய திட்டத்தில் சில மாற்றங்கள் செய்யப்பட்டுள்ளன என்று கூறிய அவர், கோபுரத்தின் வடிவத்தில் சிறிது மாற்றங்கள் இருக்கும் என்று கூறினார்.

கோவிலில் அருங்காட்சியகம், காப்பக அறை, ஆராய்ச்சி மையம், சுற்றுலா மையம், நிர்வாக கட்டிடம், யோகா மையம் மற்றும் பிற வசதிகள் இருக்கும் என்றும்  அறக்கட்டளையின்  மூத்த அதிகாரி தெரிவித்தார்.


தொடர்புடைய செய்திகள்

1. ராமர் கோவில் கட்டுமானத்திற்காக ராஜஸ்தானில் செதுக்கப்பட்ட கற்கள் அயோத்தியை வந்தடைந்தன
ராமர் கோயில் கட்டுமானப் பணிகளுக்காக ராஜஸ்தானில் செதுக்கப்பட்ட இளஞ்சிவப்பு கற்கள் இன்று அயோத்தியை வந்து சேர்ந்தது.
2. அயோத்தி: ராமர் கோவில் கட்டுமானத்தின் மூன்றாம் கட்ட பணிகள் துவக்கம்
அயோத்தி ராமர் கோவிலின் மூன்றாம் கட்ட கட்டுமானப்பணிகள் நேற்று தொடங்கியது.
3. அயோத்தியில் யோகி ஆதித்யநாத் களமிறங்குகிறார்?
உத்தரபிரதேச தேர்தலில் யோகி ஆதித்ய நாத்தை இந்த முறை அயோத்தியில் களமிறக்க பா.ஜ.க. உயர்மட்ட தலைவர்கள் பரிசீலித்து வருவதாக கூறப்படுகிறது.
4. அயோத்தி அருகே நிலநடுக்கம்: ரிக்டர் அளவில் 4.3 ஆக பதிவு
உத்தரபிரதேச மாநிலம் அயோத்தி அருகே நிலநடுக்கம் ஏற்பட்டது.
5. ராமர் கோவிலின் முக்கிய கட்டுமான பணிக்கான கற்களை தேர்வு செய்யும் நிபுணர்கள்
சிமெண்ட் பயன்படுத்தப்படாது என்பதால், முக்கியமான கட்டுமானப் பணிக்கு முறையான கற்களைத் தேர்ந்தெடுப்பது பொறியாளர்களுக்கு பெரும் பணியாக இருக்கும்.