கள்ளக்காதல் பயங்கரம்...! கணவன், மாமியாரை வெட்டி துண்டுகளாக்கி பிரிட்ஜில் வைத்த பெண்...!

கவுகாத்தி

அசாம் மாநிலத்தில் ஆறு மாதங்களுக்கு முன் நடந்த இரட்டை கொலையில் பரபரப்பு தகவல் வெளியாகியுள்ளது.

நேற்று கவுகாத்தியில் தனது கணவர் மற்றும் மாமியாரைக் கொலைச் செய்ததாக குற்றம் சாட்டப்பட்ட பந்தனா கலிதா என்ற பெண்ணை போலீசார் கைது செய்தனர். அந்தப் பெண், தனது இரு ஆண் நண்பர்களுடன் சேர்ந்து, கடந்த ஆண்டு ஜூலை-ஆகஸ்ட் மாதங்களில் தனது மாமியார் சங்கரி டே (62) மற்றும் கணவர் அமர்ஜோதி டே ஆகியோரைக் கொலை செய்து உள்ளார்.

குற்றம் சாட்டப்பட்ட பெண்ணின் வாக்குமூலத்தின் அடிப்படையில் அவரது மாமியாரின் உடல் பாகங்கள் சில மீட்கப்பட்டதாக போலீசார் தெரிவித்தனர்.

பந்தனா கலிதா கடந்த ஆண்டு ஜூலை 26 ஆம் தேதி ஓய்வுபெற்ற அரசு ஊழியரான தனது மாமியாரையும், பின்னர் ஆகஸ்ட் 17 ஆம் தேதி தனது வேலையில்லாத கணவர் அமர்ஜோதி டேயையும் கொன்றதாகக் கூறப்படுகிறது.

இந்தக் கொலையில், அந்தப் பெண்ணுக்கு உதவியாக அவரது தோழியான டாக்சி டிரைவரான டான்டி டெகாவும், காய்கறிக் கடை நடத்தும் அருப் தேகாவும் உதவியுள்ளனர். குற்றம் சாட்டப்பட்ட மூவரும் உடல்களை துண்டித்து, உடல் உறுப்புகளை அப்புறப்படுத்த அண்டை மாநிலமான மேகாலயாவுக்கு இரண்டு முறை பயணம் செய்தனர். மேலும் இறந்த அமர்ஜோதியின் முதுகு தண்டுவடம் மற்றும் டி-சர்ட்டையும் டாவ்கியில் மற்றொரு இடத்தில் இருந்து போலீசார் மீட்டனர்.