வானவில் : சுஸுகி இன்ட்ரூடர் எஸ்.பி. அறிமுகம்

இந்த மோட்டார் சைக்கிளில் கார்புரேட்டர் (ஆர்.எஸ். 505) மற்றும் பியூயல்இன்ஜெக்‌ஷன் (ஆர்.எஸ். 404) மாடலும் வந்துள்ளன.

இரண்டு என்ஜினிலும் பெருமளவில் மாற்றம் இருக்காது. இருப்பினும் தோற்றப் பொலிவில் மெட்டாலிக் கருப்பு நிறம் சிறப்பாக காட்சியளிக்கிறது.

சாகசப் பிரியர்களுக்காக தீபாவளிப் பண்டிகைக்கு முன்பாகவே இந்த மோட்டார் சைக்கிளை அறிமுகம் செய்தது மகிழ்ச்சியளிப்பதாக நிறுவனத்தின் நிர்வாக இயக்குநர் சடோஷி உசிதா தெரிவித்துள்ளார். சாலையில் இதில் செல்லும்போது குறைந்தபட்சம் ஒரு முறையாவது திரும்பிப் பார்க்க வைக்கும் வடிவமைப்பு, சொகுசு பைக் போன்ற தோற்றம், ஸ்போர்ட்ஸ் பைக் போன்ற அழகிய அம்சங்கள் அனைத்துமே தங்களை தனித்து காட்டிக் கொள்ள பிரியப்படுவோரின் தேர்வாக இருக்கும் என்று உசிதா குறிப்பிடுகிறார்.

இது 155 சி.சி. திறன் கொண்டது. ஒற்றை சிலிண்டருடன் இது வெளிவந்துள்ளது. இதில் 5 கியர்கள் உள்ளன. 14.6 ஹெச்.பி. திறன் 14 நியூட்டன் மீட்டர் டார்க் அளவு கொண்டது. இது நான்கு ஸ்டிரோக் என்ஜின். இதன் பெட்ரோல் டேங்க் கொள்ளளவு 11 லிட்டராகும். ஒருலிட்டர் பெட்ரோலுக்கு சோதனை ஓட்டத்தில் 44 கி.மீ. தூரம் ஓடியதாக நிறுவனம் தெரிவித்துள்ளது. இதில் டிஜிட்டல் ஸ்பீடா மீட்டர் உள்ளது.