ஆணுறையை வெறுக்கும் ஆண்கள்; 2027-ம் ஆண்டுக்குள் உலக மக்கள் தொகையில் இந்தியா முதலிடத்தை பிடிக்கும்
ஆணுறையை வெறுக்கும் ஆண்களால் 2027-ம் ஆண்டுக்குள் இந்தியா, உலக மக்கள் தொகை எண்ணிக்கையில் முதல் இடத்தை பிடிக்கும்.
இன்று உலக மக்கள் தொகை தினம் . இந்தியாவின் வளர்ந்து வரும் மக்கள் தொகை ஒரு அறியப்பட்ட பிரச்சினை, இந்தியாவிற்கு ஒரு பெரிய பிரச்சினை. இந்திய ஆண்கள் ஆணுறைகளை விரும்புவதில்லை. துல்லியமாக வேண்டும் என்றால் இந்திய ஆண்கள் 94.4 சதவீதம் பேர் ஆணுறைகளை விரும்புவது இல்லை.
தேசிய குடும்ப சுகாதார கணக்கெடுப்பு (என்.எஃப்.எச்.எஸ்) படி பாலியல் ரீதியாக சுறுசுறுப்பான 97.9 சதவீத ஆண்கள் ஆணுறைகளின் முக்கியத்துவத்தை அறிந்திருக்கிறார்கள். அதே நேரத்தில் இந்தியாவில் ஒட்டுமொத்தமாக 94 சதவீத ஆண்கள் ஆணுறை பயன்பாடு பற்றி அறிந்திருக்கிறார்கள். ஆனால் இந்திய ஆண்களும் சுயநலவாதிகள். அவர்களின் சுயநலம் ஆணாதிக்கத்தில் மூழ்கியுள்ளது.
ஈர்க்கும் வகையில் ஸ்ட்ராபெரி, லிச்சி, வாழைப்பழம், பீச், சாக்லெட், புள்ளியிடப்பட்ட, கூடுதல் புள்ளியிடப்பட்ட, மெல்லிய இறகு, , மசகு, சூப்பர் மசகு மற்றும் பல்லாயிரக்கணக்கான ஆணுறைகள் வெளிவருகின்றன. ஆனால் இந்திய ஆண்கள் தங்கள் முடிவிலிருந்து மாற மறுப்பவர்களாக உள்ளனர்.
உலக மக்கள் தொகை எண்ணிக்கையில் தற்போது இந்தியா, சீனாவுக்கு அடுத்தப்படியாக 2-வது இடத்தில் இருக்கிறது.
இன்னும் எட்டே ஆண்டுகளில் அதாவது 2027-ம் ஆண்டுக்குள் இந்தியா, உலக மக்கள் தொகையில் முதல் இடத்தை பிடிக்கும் என ஐ.நா.சபை அறிக்கையில் கூறப்பட்டு உள்ளது.
உலக மக்கள் தொகை தற்போது 770 கோடியாக உள்ளது. 2050-ம் ஆண்டுக்குள் உலக மக்கள் தொகையின் எண்ணிக்கை மேலும் 200 கோடி அதிகரித்து விடும்.
2027-ல் இந்தியா உலக மக்கள் தொகையில் சீனாவை பின்னுக்கு தள்ளி முதலிடத்தை பிடித்து விடும். 2050-ம் ஆண்டுக்குள் இந்தியாவின் மக்கள் தொகை 273 கோடியாக உயர்ந்து விடும். நைஜீரிய நாட்டின் மக்கள் தொகை 200 கோடியாக அதிகரித்து விடும் என கூறி உள்ளது.
இந்தியாவின் சுகாதார நிலை குறித்த சமீபத்திய அறிக்கைகள் தேசிய சுகாதார விவரம் 2018 மற்றும் தேசிய குடும்ப சுகாதார ஆய்வு (2015-16) அறிக்கையின் படி கிட்டத்தட்ட 95 சதவீத திருமணமான தம்பதிகள் (15-49 வயதுக்குட்பட்டவர்கள், கருவுறுதல் உச்சத்தில் இருக்கும்போது) ஆணுறைகளைப் பயன்படுத்துவதில்லை என்பதைக் காட்டுகிறது.
ஆணுறை பயன்பாட்டு விகிதம் ஆந்திராவில் மிகக் குறைவு. அங்கு குடும்ப திட்டமிடல் நடவடிக்கையாக 0.2 சதவீத ஆண்கள் மட்டுமே ஆணுறைகளைப் பயன்படுத்துகின்றனர். இதைத் தொடர்ந்து தெலுங்கானா 0.5 சதவீதம், தமிழ்நாடு 0.8 சதவீதம், பீகார் 1 சதவீதம், கர்நாடகா 1.3 சதவீதம், புதுவை 0.8 சதவீதம் ஆகும்.
இந்திய ஆண்களிடையே ஆணுறை பயன்படுத்துவதில் உள்ள தயக்கம். மாநில / யூனியன் பிரதேசங்களில். சண்டிகரில் ஆணுறை பயன்பாட்டு விகிதம் அதிகமாக உள்ளது 27.3 சதவீதம், அதனை அடுத்து டெல்லி 19 சதவீதம், பஞ்சாப் 18.9 சதவீதம் , உத்தரகாண்ட் 16.1 சதவீதம், இமாச்சலபிரதேசம் 12.7 சதவீதம் ஆகும்.
பெரும்பாலான குடும்பக் கட்டுப்பாடு முறைகள் குடும்பக் கட்டுப்பாட்டின் பொறுப்பை பெண்கள் மீது சுமத்துகின்றன. சக்தி சமன்பாடுகளைப் பொறுத்தவரை, ஆண்களுக்கு அதிகமான குடும்பக் கட்டுப்பாடு முறைகள் இல்லாதது பெண்களை ஒரு பாதகமான நிலையில் வைக்கிறது.
குடும்பக் கட்டுப்பாடு என்பது மனைவியின் பொறுப்பு அல்லது சுமை என எண்ணப்படுகிறது. குடும்ப அளவு கட்டுப்படுத்தப்படுவதை உறுதி செய்வதில் கணவருக்கும் சமமான பொறுப்பு உள்ளது.
இந்திய ஆண்கள் ஆணுறைகளைப் பயன்படுத்தத் தயங்குவது மட்டுமல்லாமல், கருத்தடைக்கு (வாஸெக்டோமி) செல்வதில் அவர்களின் தயக்கம் இன்னும் வலுவானது, இது குடும்பக் கட்டுப்பாட்டின் மிகவும் பயனுள்ள முறையாகும். (வேறுவிதமாகக் கூறினால் மக்கள் தொகை கட்டுப்பாடுக்கு).
இந்தியாவின் சுற்றுப்புறங்களில் உள்ள நாடுகளில் பாகிஸ்தான் (9.9 சதவீதம்), மாலத்தீவு (11.7 சதவீதம்), ஈரான் (13.7 சதவீதம்), இலங்கை (6.1 சதவீதம்), சீனா (8.3 சதவீதம்) போன்ற நாடுகளில் ஆணுறை பயன்பாடு அதிகமாக உள்ளது என்று வெளிப்படுத்துகிறது. கருத்தடை பயன்பாட்டின் போக்குகள் குறித்து 2015 ஐக்கிய நாடுகள் சபையின் அறிக்கை இது ஆகும்.
மாநிலம்/ யூனியன் பிரதேசம் | ஆணுறை பயன்பாடு | ஆண்கள் கருத்தடை | பெண்கள் கருத்தடை | கருத்தடை மாத்திரை பயன்பாடு |
ஆந்திரா | 0.2 | 0.6 | 68.3 | 0.2 |
அசாம் | 2.7 | 0.1 | 9.5 | 22 |
பீகார் | 1 | 0 | 20.7 | 0.8 |
சத்தீஸ்கார் | 3.9 | 0.7 | 46.2 | 1.7 |
குஜராத் | 4.9 | 0.1 | 33.6 | 1.4 |
அரியானா | 12 | 0.6 | 38.1 | 2.7 |
ஜார்க்கண்ட் | 2.2 | 0.2 | 31.1 | 2.6 |
கர்நாடகா | 1.3 | 0.1 | 48.6 | 0.4 |
கேரளா | 2.6 | 0.1 | 45.8 | 0.2 |
மத்தியப் பிரதேசம் | 4.9 | 0.5 | 42.2 | 103 |
மகாராஷ்டிரா | 7.1 | 0.4 | 50.7 | 2.4 |
ஒடிசா | 3.4 | 0.2 | 28.3 | 12 |
பஞ்சாப் | 18.9 | 0.6 | 37.5 | 2.5 |
ராஜஸ்தான் | 8.7 | 0.2 | 40.7 | 2.4 |
தமிழ்நாடு | 0.8 | 0 | 49.4 | 0.2 |
தெலுங்கானா | 0.5 | 1.6 | 54.2 | 0.3 |
உத்தரபிரதேசம் | 10.8 | 0.1 | 17.3 | 1.9 |
மேற்கு வங்கம் | 5.9 | 0.1 | 29.3 | 20 |
அருணாச்சல பிரதேசம் | 1.4 | 0 | 11.2 | 10.2 |
டெல்லி | 19 | 0.2 | 19.4 | 3.2 |
கோவா | 7.1 | 0 | 16.3 | 0.3 |
இமாச்சலப் பிரதேசம் | 12.7 | 2.4 | 34.5 | 1.5 |
ஜம்மு & காஷ்மீர் | 11.3 | 0.4 | 24.4 | 6.2 |
மணிப்பூர் | 1.3 | 0.1 | 3.1 | 4.2 |
மேகாலயா | 1.3 | 0 | 6.2 | 11.7 |
மிசோரம் | 1.3 | 0 | 17.5 | 13.2 |
நாகாலாந்து | 1.3 | 0 | 9.1 | 4 |
சிக்கிம் | 5.2 | 3.4 | 17.6 | 11.6 |
திரிபுரா | 1.9 | 0 | 13.9 | 26.3 |
உத்தரகண்ட் | 16.1 | 0.7 | 27.4 | 3.2 |
அந்தமான் & நிக்கோபார் தீவுகள் | 4.2 | 0 | 39.9 | 2.2 |
சண்டிகர் | 27.3 | 1.3 | 20.6 | 3.6 |
தாத்ரா & நகர் ஹவேலி | 3.7 | 0 | 31.7 | 1.2 |
தமன் & டியு | 2.2 | 0 | 25.7 | 1.3 |
லட்சத்தீவு | 3.8 | 0 | 10.3 | 0 |
புதுச்சேரி | 0.8 | 0 | 57.4 | 0.4 |
ஒட்டு மொத்த இந்தியா | 5.6 | 0.3 | 36 | 4.1 |
உலகளவில், காங்கோவில் (13.9 சதவீதம்), போஸ்ட்வானா (35.8 சதவீதம்), ஹாங்காங் (50.1 சதவீதம்), ஜப்பான் (46.1 சதவீதம்), ரஷ்யா (25 சதவீதம்), இங்கிலாந்து (7 சதவீதம்) மற்றும் அமெரிக்கா (11.6 சதவீதம்) ஆணுறை பயன்பாட்டின் அதிக சதவீதம் உள்ளது.
நீங்கள் ஒரு இந்தியராகவும், ஆணாகவும் இருந்தால், நாட்டிற்காக ஏதாவது செய்ய விரும்பினால், இங்கே உங்களுக்கு பொன்னான வாய்ப்பு. ஆணுறைகளைப் பயன்படுத்துவதில் உங்கள் தயக்கத்தைத் தணிக்கவும், நேரம் வரும்போது ஆண் கருத்தடை செய்வதைத் தேர்வுசெய்து அது குறித்து சக ஆண்களுடன் பகிர்ந்து கொள்ளுங்கள். நீங்கள் ஒரு ஹீரோவாக இருப்பீர்கள்.
Related Tags :
Next Story