<
வானவில் : அம்பரேன் போர்ட்டபிள் புளூடூத் ஸ்பீக்கர்
ஆடியோ சாதனங்கள் உற்பத்தியில் சிறந்து விளங்கும் அம்பரேன் நிறுவனம் வெளியிடங்களுக்கு எளிதில் எடுத்துச் செல்லும் வகையில் புதிய போர்ட்டபிள் ஸ்பீக்கரை (பி.டி 83) அறிமுகம் செய்துள்ளது. இதன் விலை சுமார் ரூ.1,999.
கருப்பு, நீல நிறங்களில் இது விற்பனைக்கு வந்துள்ளது. உருளை வடிவில் உருவாக்கப்பட்டுள்ள இந்த ஸ்பீக்கர், மிகவும் உறுதியாக வடிவமைக்கப்பட்டது. வெளி இடங்களில் நிலவும் தூசு உள்ளிட்டவற்றால் பாதிக்கப்படாதது.
இது வயர்லெஸ் அடிப்படையில் செயல்படக்கூடியது. இனிய இசையை வழங்க 10 வாட் ஸ்பீக்கர் உள்ள இதில் 2,200 எம்.ஏ.ஹெச். திறன் கொண்ட பேட்டரி பயன்படுத்தப்பட்டுள்ளது. இது தொடர்ந்து 7 மணி நேரம் செயல்பட வழிவகுக்கிறது. இதில் மைக்ரோபோன் உள்ளதால் உங்கள் ஸ்மார்ட்போனுக்கு வரும் அழைப்புகளுக்கு இதன் மூலமே பதில் அளிக்கலாம்.
இதன் வயர்லெஸ் செயல் திறன் 10 மீட்டர் சுற்றளவுக்குள் செயல்படும் திறன் பெற்றது. இதில் ஏ.யு.எக்ஸ். இணைப்பு, எஸ்.டி. கார்டு இணைப்பு மற்றும் புளூடூத் இணைப்பு வசதி கொண்டது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
