சிறப்புக் கட்டுரைகள்

டிசம்பர் வரையிலான 9 மாதங்களில் நேரடி வரி வசூல் 14.1% அதிகரிப்பு + "||" + Direct tax collections increased by 14.1% in the nine months to December

டிசம்பர் வரையிலான 9 மாதங்களில் நேரடி வரி வசூல் 14.1% அதிகரிப்பு

டிசம்பர் வரையிலான 9 மாதங்களில் நேரடி வரி வசூல் 14.1% அதிகரிப்பு
நடப்பு நிதி ஆண்டில், டிசம்பர் வரையிலான 9 மாதங்களில் மத்திய அரசின் நேரடி வரி வசூல் 14.1 சதவீதம் அதிகரித்து ரூ.8.74 லட்சம் கோடியாக உயர்ந்து இருக்கிறது.
இக்கனாமிக் டைம்ஸ் செய்தி பிரிவு

புதுடெல்லி

சொத்து வரி

நேரடி வரிகளில் நிறுவன வரி, தனிநபர் வருமான வரி, சொத்து வரி, பங்கு பரிவர்த்தனை வரி போன்றவை அடங்கும். இந்த வரிகள் யார் மீது விதிக்கப்படுகிறதோ அவர்தான் செலுத்த வேண்டும். மறைமுக வரிகள் போல் மற்றவர்கள் மீது சுமத்த முடியாது.

சென்ற நிதி ஆண்டில் (2017-18) நேரடி வரிகள் மூலம் ரூ.9.80 லட்சம் கோடி திரட்ட மத்திய பட்ஜெட்டில் இலக்கு நிர்ணயிக்கப்பட்டு இருந்தது. எனினும் அந்த இலக்கைத் தாண்டி ரூ.10.03 லட்சம் கோடி வசூல் ஆனது. முந்தைய ஆண்டுடன் ஒப்பிடும்போது இந்த வரி வசூல் 18 சதவீதம் வளர்ச்சி கண்டு இருந்தது.

இந்நிலையில், நடப்பு நிதி ஆண்டில், டிசம்பர் வரையிலான முதல் 9 மாதங்களில் நேரடி வரிகள் மூலம் மொத்தம் ரூ.8.74 லட்சம் கோடி மத்திய அரசு வருவாய் ஈட்டி உள்ளது. சென்ற நிதி ஆண்டின் இதே காலத்துடன் ஒப்பிடும்போது இது 14.1 சதவீதம் அதிகமாகும்.

ரீபண்டு

கணக்கீட்டுக் காலத்தில், ரூ.1.30 லட்சம் கோடி அளவிற்கு வரி ரீபண்டு செய்யப்பட்டு இருக்கிறது. இதனையடுத்து நிகர நேரடி வரி வசூல் ரூ.7.43 லட்சம் கோடியாக உள்ளது. கடந்த ஆண்டின் இதே காலத்துடன் ஒப்பிடும்போது நிகர அடிப்படையில் வரி வசூல் 13.6 சதவீதம் அதிகரித்து இருக்கிறது.

நிதிப்பற்றாக்குறையை குறைக்க வேண்டுமானால் வரி வசூலில் நிர்ணயித்த இலக்குகள் எட்டப்பட வேண்டும் என நிபுணர்கள் கூறுகின்றனர். மத்திய பட்ஜெட்டில் நடப்பு நிதி ஆண்டிற்கான (2018-19) நிதிப்பற்றாக்குறை இலக்கு 3.3 சதவீதமாக நிர்ணயம் செய்யப்பட்டுள்ளது.

நவம்பர் வரையிலான முதல் 8 மாதங்களில் ரூ.7.17 லட்சம் கோடி அளவிற்கு நிதிப்பற்றாக்குறை ஏற்பட்டு இருக்கிறது. முழு ஆண்டிற்கான மத்திய பட்ஜெட் இலக்கில் இது 115 சதவீதமாகும்.

தொடர்புடைய செய்திகள்

1. ‘டிக் டாக்’ செயலி நிறுவனத்துக்கு மத்திய அரசு நோட்டீஸ் - தடை செய்யப்போவதாக எச்சரிக்கை
ஆர்.எஸ்.எஸ். துணை அமைப்பு அளித்த புகாரின்பேரில், ‘டிக் டாக்’, ‘ஹலோ’ ஆகிய சமூக வலைத்தளங்களுக்கு மத்திய அரசு நோட்டீஸ் அனுப்பியது. அவற்றுக்கு தடை விதிக்கப்போவதாக எச்சரிக்கை விடுத்துள்ளது.
2. மாயாவதி சகோதரரின் ரூ. 400 கோடி மதிப்பிலான பிளாட்டை வருமான வரித்துறையினர் பறிமுதல் செய்தனர்
பகுஜன் சமாஜ் கட்சியின் தலைவர் மாயாவதி சகோதரர் ஆனந்த் குமாரின் ரூ. 400 கோடி மதிப்பிலான பிளாட்டை வருமான வரித்துறையினர் பறிமுதல் செய்துள்ளனர்.
3. ரூ.70 ஆயிரம் கோடி கடன் தள்ளுபடிக்கு பின்னரும் விவசாயிகள் தற்கொலை அதிகரிப்பு
ரூ.70 ஆயிரம் கோடி கடனை முந்தைய காங்கிரஸ் கூட்டணி அரசு தள்ளுபடி செய்த பின்னரும் விவசாயிகள் தற்கொலை அதிகரித்து உள்ளது என மத்திய அரசு தெரிவித்துள்ளது.
4. மனித உரிமை கோர்ட்டுகள் அமைக்கக்கோரி மனு; மத்திய அரசு பதில் அளிக்க சுப்ரீம் கோர்ட்டு உத்தரவு
அனைத்து மாவட்டங்களிலும் மனித உரிமை கோர்ட்டுகள் அமைக்கக்கோரிய மனுவுக்கு பதில் அளிக்க மத்திய அரசுக்கு சுப்ரீம் கோர்ட்டு உத்தரவு பிறப்பித்துள்ளது.
5. சமஸ்கிருத மொழியை மக்களுக்கு கற்பிக்க 5 கிராமங்கள் தத்தெடுப்பு மத்திய அரசு உத்தரவு
சமஸ்கிருத மொழியை மக்களுக்கு கற்பிக்க 5 கிராமங்களை தத்தெடுக்க வேண்டும் என மத்திய அரசு உத்தரவிட்டுள்ளது.