சென்னையில் பல்வேறு இடங்களில் கனமழை

சென்னை,

சென்னையில் கடந்த சில நாட்களாகவே மாலை வேளைகளில் விட்டு விட்டு பரவலாக மழை பெய்வதை காண முடிகிறது. இந்த நிலையில், இன்று  சென்னையில் எழும்பூர், வேப்பேரி, செண்டரல், புரசைவாக்கம், ராயப்பேட்டை , திருவல்லிக்கேணி, மயிலாப்பூர், கிண்டி, ஈக்காட்டுத்தாங்கல், கோபாலபுரம், பெருங்களத்தூர், வண்டலூர் உள்ளிட்ட பகுதிகளில் நல்ல மழை பெய்தது. மழை காரணமாக சில இடங்களில் கடுமையான போக்குவரத்து நெரிசல் ஏற்பட்டது. இதனால், வாகன ஓட்டிகள் கடும் அவதிக்குள்ளாகினர்.