மாநில செய்திகள்

சிவகாசி பட்டாசு ஆலை வெடி விபத்து: 4 தொழிலாளர்கள் உடல் கருகி சாவு + "||" + Crash accident in Sivakasi cracker 4 workers Body Kills and Death

சிவகாசி பட்டாசு ஆலை வெடி விபத்து: 4 தொழிலாளர்கள் உடல் கருகி சாவு

சிவகாசி பட்டாசு ஆலை வெடி விபத்து: 4 தொழிலாளர்கள் உடல் கருகி சாவு
சிவகாசி பட்டாசு ஆலையில் நேற்று காலை ஏற்பட்ட வெடி விபத்தில் 4 தொழிலாளர்கள் உடல் கருகி பரிதாபமாக இறந்தனர்.
சிவகாசி,

விருதுநகர் மாவட்டத்தில் உள்ள 800-க்கும் மேற்பட்ட பட்டாசு ஆலைகளில் தீபாவளி பண்டிகைக்கான பட்டாசு தயாரிப்பு முழுவீச்சில் நடந்து வருகிறது.

சிவகாசி அருகே உள்ள காக்கிவாடன்பட்டி கிராமத்தில் உள்ள ராஜு என்பவருக்கு சொந்தமான பட்டாசு ஆலையில் நேற்று காலை வழக்கம் போல் பணி தொடங்கியது. இதில் 150-க்கும் அதிகமான தொழிலாளர்கள் நேற்று பட்டாசு தயாரிப்பில் ஈடுபட்டதாக கூறப்படுகிறது.


ஆலையில் உள்ள வெடிமருந்து கலவை அறையில் சிவகாசி சுற்று வட்டார பகுதிகளை சேர்ந்த கிருஷ்ணன் (வயது 45), மாரியப்பன் (38), பாண்டி (43), பொன்னுசாமி (45) ஆகியோர் நேற்று காலை 10 மணி அளவில் வேலை செய்து கொண்டிருந்தனர்.

அப்போது திடீர் வெடி விபத்து ஏற்பட்டது. இதில் அந்த அறையில் இருந்த பட்டாசுகள் வெடித்து சிதறியதில் அந்த அறை முழுவதுமாக தரைமட்டமானது. இதில் கிருஷ்ணன், மாரியப்பன் ஆகியோர் உடல் கருகி சம்பவ இடத்திலேயே பரிதாபமாக இறந்தனர்.

படுகாயம் அடைந்த பாண்டி, பொன்னுசாமி ஆகியோர் சிவகாசி அரசு ஆஸ்பத்திரியில் சேர்க்கப்பட்டனர். இதில் சிகிச்சை பலன் அளிக்காமல் அவர்கள் 2 பேரும் இறந்தனர். இந்த விபத்தில் அதே ஆலையில் பணியாற்றி வந்த தேவி என்ற பெண் லேசான காயத்துடன் உயிர் தப்பியது குறிப்பிடத்தக்கது.

இதுகுறித்து மாரனேரி போலீசார் வழக்குபதிவு செய்து விசாரணை நடத்தி வருகிறார்கள். வருவாய்த்துறை அதிகாரிகளும் சம்பவ இடத்துக்கு சென்று விசாரணை மேற்கொண்டனர்.


தொடர்புடைய செய்திகள்

1. பட்டாசு ஆலையை நிரந்தரமாக மூட அனுமதி கேட்கும் உரிமையாளர்கள் - அரசுக்கு மனு அனுப்ப முடிவு
சுப்ரீம் கோர்ட்டு உத்தரவுப்படி பட்டாசு தயாரிக்க முடியாத நிலையில் சிவகாசியில் உள்ள பட்டாசு ஆலைகளின் உரிமையாளர்கள் தங்களது ஆலைகளை நிரந்தரமாக மூட அனுமதி கேட்டு அரசுக்கு மனு அனுப்ப முடிவு செய்துள்ளனர்.
2. பட்டாசு ஆலை உரிமையாளர்களுடன் அமைச்சர் கே.டி.ராஜேந்திரபாலாஜி பேச்சுவார்த்தை
காலவரையற்ற வேலை நிறுத்த போராட்டத்தில் ஈடுபட்டு வரும் பட்டாசு ஆலை உரிமையாளர்களுடன் அமைச்சர் கே.டி.ராஜேந்திரபாலாஜி நேற்றிரவு பேச்சுவார்த்தை நடத்தினார்.
3. காஞ்சீபுரத்தில் நாட்டு வெடிகள் வெடித்து சிதறியதில் 3 பேர் உயிரிழப்பு
காஞ்சீபுரத்தில் நாட்டு வெடிகள் வெடித்து சிதறியதில் 3 பேர் உயிரிழந்தனர்.
4. சத்தீஸ்கார்: இரும்பு ஆலையில் வெடி விபத்து- 9 பேர் உடல் கருகி பலி, 14 பேர் படுகாயம்
சத்தீஸ்காரில் இரும்பு ஆலையில் ஏற்பட்ட வெடி விபத்தில் சிக்கி 9 பேர் உடல் கருகி பலியாயினர். மேலும் 14 பேர் படுகாயம் அடைந்தனர்.
5. ஸ்ரீவைகுண்டம் அருகே வெடி விபத்து: பட்டாசு தொழிற்சாலை கட்டிடம் தரைமட்டம்
ஸ்ரீவைகுண்டம் அருகே பட்டாசு தொழிற்சாலையில் ஏற்பட்ட வெடி விபத்தில் கட்டிடம் தரைமட்டமானது.