மாநில செய்திகள்

கட்டாய ஹெல்மெட் சட்டத்தை கண்டிப்புடன் அமல்படுத்த வேண்டும்: தமிழக அரசுக்கு ஐகோட் உத்தரவு + "||" + Compulsory helmet law Must be strictly enforced ChennaiHighCourt order to the Tamil Nadu government

கட்டாய ஹெல்மெட் சட்டத்தை கண்டிப்புடன் அமல்படுத்த வேண்டும்: தமிழக அரசுக்கு ஐகோட் உத்தரவு

கட்டாய ஹெல்மெட் சட்டத்தை கண்டிப்புடன் அமல்படுத்த வேண்டும்: தமிழக அரசுக்கு ஐகோட் உத்தரவு
கட்டாய ஹெல்மெட் சட்டத்தை கண்டிப்புடன் அமல்படுத்த வேண்டும் என தமிழக அரசுக்கு சென்னை ஐகோர்ட் உத்தரவிட்டு உள்ளது. #ChennaiHighCourt
சென்னை

சென்னை கொரட்டூரைச் சேர்ந்த கே.கே.ராஜேந்திரன் என்பவர் ஐகோர்ட்டில் தாக்கல் செய்த மனுவில், ‘மோட்டார் வாகன சட்டப்படி நான்கு சக்கர வாகனங்களில் செல்லும் அனைவரும் சீட் பெல்ட் அணிய வேண்டும், இரு சக்கர வாகனங்களில் செல்லும் இருவரும் கட்டாயம் ஹெல்மெட் அணிய வேண்டும் என்று விதி உள்ளது. இந்த விதியை தமிழக அரசு அமல்படுத்தவில்லை. இந்த விதியை அமல்படுத்த அரசுக்கு உத்தரவிட வேண்டும்’ என்று கூறியிருந்தார்.

இந்த மனு சம்பந்தமாக தமிழக அரசு பதில் அளிக்க ஐகோர்ட்டு உத்தரவிட்டிருந்தது. இதைத்தொடர்ந்து, இரு சக்கர வாகனங்களில் வாகன ஓட்டி மட்டுமல்லாமல் பின்னால் அமர்ந்து செல்பவர்களும் கட்டாயம் ஹெல்மெட் அணிய வேண்டும் என்று தமிழக அரசு அரசாணை பிறப்பித்தது.

இந்தநிலையில் அந்த வழக்கு நீதிபதிகள் மணிக்குமார், சுப்பிரமணியம் பிரசாத் ஆகியோர் முன்னிலையில் நேற்று விசாரணைக்கு வந்தது.

அப்போது, தமிழக அரசு தரப்பில் அறிக்கை ஒன்று தாக்கல் செய்யப்பட்டது.

அதில், ‘கடந்த மாதம் 17-ந் தேதி வரை ஹெல்மெட் அணியாதது தொடர்பாக 10 ஆயிரம் வழக்குகள் பதிவு செய்யப்பட்டுள்ளன. ஹெல்மெட் விழிப்புணர்வால் பெரும்பாலான வாகன ஓட்டிகள் ஹெல்மெட் அணிந்து வாகனங்களை ஓட்டிச் செல்கின்றனர். இதன்காரணமாக ஹெல்மெட் அணியாதது தொடர்பாக பதியப்படும் வழக்கு பாதியாக குறைந்து உள்ளது’ என்று கூறப்பட்டிருந்தது.

இதைப்பார்த்த நீதிபதிகள்,   இருசக்கர வாகனங் களில் பயணிக்கும் இருவரும் ஹெல்மெட் அணிய வேண்டும் என்ற அரசாணை முறையாக அமல்படுத்தப்படவில்லை என்று அதிருப்தி தெரிவித்த நீதிபதிகள், ஹெல்மெட் தொடர்பாக விழிப்புணர்வு ஏற்படுத்தினால் மட்டும் போதாது என்றும் குறிப்பிட்டனர்.

பின்னர், தேசியக் கொடி பொருத்திய வாகனங்கள் வரும்போது சீருடையில் இருக்கும் காவல்துறையினர் தேசியக்கொடிக்கு மரியாதை செலுத்துவது இல்லை என்று வேதனை தெரிவித்த நீதிபதிகள், காவல்துறையினர் ஹெல்மெட் அணிகிறார்களா? அதிகாரிகள் சீட் பெல்ட் அணிகிறார்களா? என்று கேள்வி எழுப்பி அதையும் கண்காணிக்க வேண்டும் என்று வலியுறுத்தினர்.

பின்னர், வழக்கின் தீர்ப்பை நீதிபதிகள் இன்று ஒத்தி வைத்தனர். இன்றைய தீர்ப்பில் நீதிபதிகள் கூறியதாவது:-

கட்டாய ஹெல்மெட் சட்டத்தை  தமிழக  அரசு கண்டிப்புடன் அமல்படுத்த வேண்டும். சாலை விபத்து அதிகரிப்பதால் பின்னால் இருப்பவர்களும் கட்டாயம் ஹெல்மட் அணிய வேண்டும். 

மோட்டார் வாகன சட்ட விதிகள் குறித்து மக்கள் மத்தியில் விழிப்புணர்வு ஏற்படுத்த வேண்டும். ஹெல்மெட்டை கட்டாயமாக்கிய அரசாணையை அமல்படுத்துவது குறித்து அக்டோபர் 23ஆம் தேதிக்குள் அறிக்கை தாக்கல் செய்ய வேண்டும்என் அ தமிழக அரசுக்கு நீதிபதிகள் உத்தரவிட்டு உள்ளனர்.

தொடர்புடைய செய்திகள்

1. பழனிச்சாமி உடலில் உள்ள ரத்த காயங்கள் பற்றி விரிவான அறிக்கைத் தாக்கல் செய்ய சென்னை ஐகோர்ட் உத்தரவு
லாட்டரி அதிபர் மார்ட்டினுக்குச் சொந்தமான கல்லூரி காசாளர் பழனிச்சாமி உடலில் உள்ள ரத்த காயங்கள் பற்றி விரிவான அறிக்கைத் தாக்கல் செய்ய சென்னை ஐகோர்ட் உத்தரவிட்டு உள்ளது.
2. நீர் நிலைகள், நீர் வழித்தடங்களை பாதுகாக்க தலைமைச்செயலாளர் தலைமையில் ஆலோசனை கூட்டம்
நீர் நிலைகள் மற்றும் நீர் வழிகளை பாதுகாப்பதற்கு சிறப்பு பிரிவை அமைப்பது குறித்து தலைமைச் செயலகத்தில், பல்வேறு துறை அதிகாரிகளுடன் தலைமைச் செயலாளர் ஆலோசனை நடத்தினார்.
3. ஆசிரியர் தகுதித் தேர்வு முடிக்காத ஆசிரியர்கள் பணியில் நீடிக்க அனுமதிக்க கூடாது -சென்னை உயர்நீதிமன்றம் உத்தரவு
ஆசிரியர் தகுதித் தேர்வு முடிக்காத ஆசிரியர்கள் பணியில் நீடிக்க அனுமதிக்க கூடாது என்று தமிழக அரசுக்கு சென்னை ஐகோர்ட் உத்தரவிட்டுள்ளது.
4. பெண்களை காதலிக்கவோ, திருமணம் செய்யவோ கட்டாயப்படுத்த ஆண்களுக்கு உரிமை இல்லை -சென்னை ஐகோர்ட்
பெண்களை காதல் செய்ய சொல்லி கட்டாயப்படுத்தவோ அல்லது திருமணம் செய்து கொள்ள வற்புறுத்தவோ எந்த ஆணுக்கும் உரிமையில்லை என ஐகோர்ட் நீதிபதி ஆனந்த் வெங்கடேஷ் கருத்து தெரிவித்துள்ளார்.
5. பரோல் கேட்டு நளினி மனு : பதிலளிக்க தமிழக அரசுக்கு ஐகோர்ட் உத்தரவு
மகள் திருமண ஏற்பாட்டிற்காக 6 மாதம் பரோல் கேட்ட மனு மீது நேரில் ஆஜராகி வாதிட அனுமதிக்கோரிய நளினியின் மனு மீது, ஜூன் 11-க்குள் பதிலளிக்க தமிழக அரசுக்கு சென்னை ஐகோர்ட் உத்தரவிட்டுள்ளது.

அதிகம் வாசிக்கப்பட்டவை