மாநில செய்திகள்

அரசு போக்குவரத்துத் துறைக்கு ஜெர்மன் வளர்ச்சி வங்கி ரூ.1,600 கோடி கடனுதவி + "||" + To the State Transport Department German Development Bank Rs 1,600 crore loan

அரசு போக்குவரத்துத் துறைக்கு ஜெர்மன் வளர்ச்சி வங்கி ரூ.1,600 கோடி கடனுதவி

அரசு போக்குவரத்துத் துறைக்கு ஜெர்மன் வளர்ச்சி வங்கி ரூ.1,600 கோடி கடனுதவி
அரசு போக்குவரத்துத் துறைக்கு ஜெர்மன் வளர்ச்சி வங்கி ரூ.1,600 கோடி கடனுதவி வழங்கி உள்ளது.
சென்னை,

2,213 புதிய பிஎஸ்-6 தரத்திலான பேருந்துகளும், 500 மின்சாரப் பேருந்துகளும் வாங்க தமிழ்நாடு அரசுப் போக்குவரத்துத் துறைக்கு ஜெர்மன் வளர்ச்சி வங்கி  கடனுதவி அளிக்கிறது.

லண்டனை தலைமை இடமாகக் கொண்டு செயல்படும் சி-40 என்கிற பன்னாட்டு முகமைக்கும், தமிழ்நாடு அரசுப் போக்குவரத்துத் துறைக்கும் கடந்த ஆண்டு மார்ச்சில்  ஒப்பந்தம் கையெழுத்தானது. உலகத்தரம் வாய்ந்த தொழில்நுட்ப வல்லுநர்கள் மற்றும் ஆலோசகர்களை கொண்டுள்ள இந்த அமைப்பின் வழிகாட்டுதலின்படி தமிழ்நாட்டில் மின்சாரப் பேருந்துகள் இயக்கப்பட உள்ளன.

இதற்காக, ஜெர்மன் வளர்ச்சி வங்கியின் கடனுதவியுடன் 5,890 கோடி ரூபாய் செலவில் 12,000 புதிய பிஎஸ்-6 தரத்திலான பேருந்துகளையும், 2,000 மின்சாரப் பேருந்துகளையும் வாங்கிப் பயன்படுத்தும் வகையில் புதிய திட்டம்  செயல்படுத்தப்படும் என்று பட்ஜெட்டில் அறிவிக்கப்பட்டது.

முதல்கட்டமாக 1,580 கோடி ரூபாய் மதிப்பீட்டிலான பிஎஸ்-6 தரத்திலான 2,213 புதிய பேருந்துகளும், 500 மின்சாரப் பேருந்துகள் வாங்குவதற்கான திட்ட ஒப்பந்தம் முதலமைச்சர் எடப்பாடி பழனிசாமி, போக்குவரத்துத் துறை அமைச்சர் எம்.ஆர்.விஜயபாஸ்கர் முன்னிலையில் கையெழுத்தானது.

தமிழ்நாடு அரசுப் போக்குவரத்துத் துறைக்கும், ஜெர்மன் வளர்ச்சி வங்கிக்கும் இடையே இந்த திட்ட ஒப்பந்தம் கையெழுத்தானது. இதன் மூலம், மின்சார  வாகனங்களுக்கான மின்ஏற்று கட்டமைப்புகளை ஏற்படுத்துதல்,  போக்குவரத்து துறையின் செயல்பாட்டினை மேம்படுத்திட மென்பொருள்  மற்றும் வன்பொருள் கொள்முதல் செய்தல், பயணிகள் தகவல் அமைப்பை நிறுவுதல், உலகத்தரத்திலான ஆலோசகர்களின் உதவிகளை பெறுதல்,  பணமில்லா பயணசீட்டு முறை போன்ற திட்டங்கள் செயல்படுத்தப்படும் என தமிழக அரசு தெரிவித்துள்ளது. 

தொடர்புடைய செய்திகள்

1. சென்னையில் 10 வயது சிறுமி பாலியல் தொல்லை தந்து 3-வது மாடியில் இருந்து தூக்கி வீசி கொலை
சென்னையில் 10 வயது சிறுமி பாலியல் தொல்லை தந்து 3-வது மாடியில் இருந்து தூக்கி வீசி கொலை செய்யப்பட்டார்.
2. பழையன கழிதலும்.. புதியன புகுதலும்; தமிழகம் முழுவதும் போகிப் பண்டிகை உற்சாகமாக கொண்டாட்டம்
பழையன கழிதலும்.. புதியன புகுதலுமான போகிப் பண்டிகை தமிழகம் முழுவதும் உற்சாகமாக கொண்டாடப்பட்டு வருகிறது.
3. சப்- இன்ஸ்பெக்டர் வில்சன் கொலையில் தீவிரவாத இயக்கங்களுக்கு தொடர்பா..?
எஸ்.ஐ. வில்சன் கொலையில் தீவிரவாத இயக்கங்களுக்கு தொடர்பா என்ற கோணத்தில் விசாரணை முடுக்கிவிடப்பட்டுள்ளது.
4. சென்னையில் ஏசி பஸ்கள் இயக்கம் -குறைந்தபட்ச கட்டணம் ரூ.15 அதிகபட்ச கட்டணம் ரூ.60
சென்னையில் இன்று முதல் ஏசி பஸ்கள் இயக்கப்படுகின்றன. இதில் குறைந்தபட்ச கட்டணம் ரூ.15, அதிகபட்ச கட்டணம் ரூ.60 ஆகும்.
5. பேருந்தில் ஏறி ஆட்டம் போட்ட கல்லூரி மாணவர்கள் கைது..!
சென்னை மந்தைவெளியில் பஸ்சில் ஏறி ஆட்டம் போட்ட 2 மாணவர்களை போலீசார் கைது செய்தனர்.