மாநில செய்திகள்

அமைச்சர் ஜெயக்குமார் வீட்டில் தனிமைப்படுத்திக் கொண்டார் + "||" + Minister Jayakumar was isolated at home

அமைச்சர் ஜெயக்குமார் வீட்டில் தனிமைப்படுத்திக் கொண்டார்

அமைச்சர் ஜெயக்குமார் வீட்டில் தனிமைப்படுத்திக் கொண்டார்
கொரோனா தொற்று பரிசோதனையில் அமைச்சர் ஜெயக்குமாருக்கு தொற்று இல்லை என்று முடிவு வெளியாகி உள்ளது.
சென்னை, 

தமிழக உயர் கல்வித்துறை அமைச்சர் கே.பி.அன்பழகனுக்கு கொரோனா தொற்று உறுதி செய்யப்பட்டு இருந்தது. சென்னையில் அவருடன் 13, 14 மற்றும் 15 ஆகிய மாநகராட்சி மண்டலங்களில் கொரோனா தொற்று கண்காணிப்பு பணியில் மீன்வளத் துறை அமைச்சர் டி.ஜெயக்குமாரின் மகனும், அ.தி.மு.க. முன்னாள் எம்.பி.யுமான டாக்டர் ஜெயவர்த்தன் ஈடுபட்டிருந்தார்.

மேலும், சென்னை மாநகராட்சியில் நடந்த கூட்டத்தில் அமைச்சர் கே.பி.அன்பழகனுடன் அமைச்சர் டி.ஜெயக்குமார் பங்கேற்றிருந்தார்.


மேலும் அமைச்சர் டி.ஜெயக்குமார் சென்னையில் கொரோனா பாதிப்பு அதிகம் உள்ள ராயபுரம் உள்ளிட்ட மண்டலங்களில் களப் பணிகளை கண்காணித்து வருகிறார்.

இந்த நிலையில் அமைச்சர் டி.ஜெயக்குமாரும், டாக்டர் ஜெயவர்தனும் தங்களை வீட்டில் 5 நாட்கள் தனிமைப்படுத்திக் கொண்டனர். அவர்களுக்கு கொரோனா பரிசோதனை மேற்கொள்ளப்பட்டது. தற்போது அந்த பரிசோதனை முடிவு வந்துள்ளது. அதில் 2 பேருக்கும் கொரோனா தொற்று இல்லை என்று கூறப்பட்டுள்ளது.

இதையடுத்து 2 பேரும் கொரோனா தொற்று தடுப்பு கண்காணிப்புப் பணியில் ஈடுபடுகின்றனர். அமைச்சர் டி.ஜெயக்குமார் நேற்று மாதவரம் மண்டலத்தில் கொரோனா தொற்று கண்காணிப்புப் பணிக்குச் சென்று வந்தார்.


தொடர்புடைய செய்திகள்

1. கொரோனா பரிசோதனை
திருப்பூருக்கு கடந்த மாதம் வெளிமாநிலங்களில் இருந்து வந்த 18 ஆயிரத்து 444 பேருக்கு கொரோனா பரிசோதனை மேற்கொள்ளப்பட்டது. இதில் 32 தொழிலாளர்களுக்கு தொற்று உறுதி செய்யப்பட்டது.
2. தமிழக எல்லையில் சோதனைச்சாவடிகளில் கொரோனா பரிசோதனை
கேரளாவில் இருந்து வருபவர்களுக்கு தமிழக எல்லையில் உள்ள சோதனைச்சாவடிகளில் கொரோனா பரிசோதனை செய்யப்படுகிறது. மேலும் தொற்ற தடுப்பு நடவடிக்கைகள் தீவிரப்படுத்தப்பட்டு உள்ளன.
3. வியாபாரிகளுக்கு கொரோனா பரிசோதனை
சிங்கம்புணரியில் வியாபாரிகளுக்கு கொரோனா பரிசோதனை செய்யப்பட்டது.
4. இந்தியாவில் மேலும் 4 தடுப்பூசிகள் பரிசோதனை கட்டத்தில் உள்ளன: மத்திய அரசு தகவல்
இந்தியாவில் மேலும் 4 கொரோனா தடுப்பூசிகள், மனிதர்களுக்கு செலுத்தி பரிசோதிக்கிற வெவ்வேறு கட்டத்தில் உள்ளன.
5. மனு கொடுக்க வந்தவர்களுக்கு கொரோனா பரிசோதனை
ராமநாதபுரம் கலெக்டர் அலுவலகத்தில் மக்கள் குறைதீர் கூட்டத்தில் மனு கொடுக்க வந்த அனைவருக்கும் கொரோனா பரிசோதனை செய்யப்பட்டது.