மாநில செய்திகள்

பொள்ளாச்சி அருகே அனுமதி பெறாமல் படப்பிடிப்பு: சிவகார்த்திகேயன் படக்குழுவினருக்கு ரூ.19 ஆயிரம் அபராதம் + "||" + Shooting without permission near Pollachi: Sivakarthikeyan crew fined Rs 19,000

பொள்ளாச்சி அருகே அனுமதி பெறாமல் படப்பிடிப்பு: சிவகார்த்திகேயன் படக்குழுவினருக்கு ரூ.19 ஆயிரம் அபராதம்

பொள்ளாச்சி அருகே அனுமதி பெறாமல் படப்பிடிப்பு: சிவகார்த்திகேயன் படக்குழுவினருக்கு ரூ.19 ஆயிரம் அபராதம்
அனுமதி பெறாமல் படப்பிடிப்பு நடத்தியதால் சிவகார்த்திகேயன் படக்குழுவினருக்கு ரூ.19 ஆயிரம் அபராதம் விதிக்கப்பட்டதுடன் இயக்குனர் உள்பட 31 பேர் மீது வழக்குப்பதிவு செய்யப்பட்டது.
பொள்ளாச்சி,

நடிகர் சிவகார்த்திகேயன் நடிக்கும் டான் படத்தை திரைப்பட இயக்குனர் சிபி சக்கரவர்த்தி இயக்கி வருகிறார். இந்த நிலையில் நேற்று முன்தினம் பொள்ளாச்சி அருகே ஆனைமலை உப்பாற்று பகுதியில் நடிகர் சிவகார்த்திகேயன் நடிக்கும் காட்சிகள் படமாக்கப்பட்டன.


பின்னர் முக்கோணத்தில் படப்பிடிப்புகள் நடைபெற்றன. அப்போது பொதுமக்கள், குழந்தைகள் கூட்டமாக நிற்பது போன்ற காட்சிகள் எடுக்கப்பட்டதாக தெரிகிறது. இதுகுறித்து தகவல் அறிந்த அந்தப்பகுதியை சேர்ந்த ஏராளமானோர் அங்கு திரண்டனர்.

பொதுமக்கள் திரண்டனர்

அந்தப்பகுதியில் பொதுமக்கள் முக கவசம் அணியாமலும், சமூக இடைவெளியை கடைப்பிடிக்காமலும் கூட்டம் கூடியதால் கொரோனா தொற்று பரவும் அபாயம் ஏற்பட்டது. மேலும் அங்கு போக்குவரத்து நெரிசலும் ஏற்பட்டது. கொரோனா பரவல் அதிகரித்து வரும் நேரத்தில் படப்பிடிப்பு நடத்த அந்தப்பகுதியை சேர்ந்த பொதுமக்களும் எதிர்ப்பு தெரிவித்தனர். இதனால் அங்கு பரபரப்பு ஏற்பட்டது.

இதுகுறித்து தகவல் அறிந்த வால்பாறை தாசில்தார் விஜயகுமார் மற்றும் போலீசார் சம்பவ இடத்துக்கு விரைந்து சென்று விசாரணை மேற்கொண்டனர். பின்னர் கொரோனா பரவும் வகையில் கூட்டமாக நின்றதால் படப்பிடிப்பை பாதியில் நிறுத்தினர். இதைதொடர்ந்து அங்கு நின்ற பொதுமக்களை போலீசார் எச்சரித்து அனுப்பி வைத்தனர்.

ரூ.19 ஆயிரம் அபராதம்

இதைத்தொடர்ந்து கொரோனா பாதுகாப்பு வழிமுறைகளை மீறியதாக படக்குழுவினருக்கு வருவாய்த்துறையினர் ரூ.19 ஆயிரத்து 400 அபராதம் விதித்தனர். மேலும் இதுகுறித்து ஆனைமலை போலீஸ் நிலையத்தில் புகார் கொடுக்கப்பட்டது. அதன்பேரில் போலீசார், கொரோனா நோய் தொற்று பரவும் வகையில் கூட்டம் கூடுதல், அரசின் தடை உத்தரவை மீறுதல் உள்ளிட்ட 3 பிரிவுகளின் கீழ் திரைப்பட இயக்குனர் சிபி சக்கரவர்த்தி உள்பட படக்குழுவினர் 31 பேர் வழக்குப்பதிவு செய்து விசாரணை நடத்தி வருகிறார்கள்.

அனுமதி பெறவில்லை

இதுகுறித்து போலீஸ் அதிகாரிகள் கூறும்போது, படப்படிப்பை நடத்த அனுமதி பெறவில்லை. கொரோனா பரவும் காலத்தில் அனுமதி இல்லாமல் படப்பிடிப்பை நடத்தி, தொற்று பரவும் வகையில் செயல்பட்டதால் வழக்குப்பதிவு செய்யப்பட்டு உள்ளது என்றனர்.


தொடர்புடைய செய்திகள்

1. மைனர் பெண்ணை திருமணம் செய்து புகைப்படங்களை முகநூலில் வெளியிட்டவருக்கு ரூ.75 ஆயிரம் அபராதம்
மைனர் பெண்ணை திருமணம் செய்து, அவருடன் நெருக்கமாக இருந்த புகைப்படங்களை முகநூலில் வெளியிட்டவருக்கு ரூ.75 ஆயிரம் அபராதம் விதித்து சென்னை ஐகோர்ட்டு உத்தரவிட்டுள்ளது.
2. உத்தரகாண்ட்: பிளாஸ்டிக், குப்பைகளை எரிப்பவர்களுக்கு ரூ.5 ஆயிரம் அபராதம்
உத்தரகாண்டின் டேராடூனில் பிளாஸ்டிக், குப்பைகளை பொதுவெளியில் எரிப்பவர்களுக்கு ரூ.5 ஆயிரம் அபராதம் விதிக்கப்படும்.
3. கழிவுகளை சுத்தம் செய்ய மனிதர்களை பயன்படுத்தினால் அபராதம்: தமிழக அரசுக்கு ஐகோர்ட்டு உத்தரவு
கழிவுநீர் தொட்டிகளை சுத்தம் செய்ய மனிதர்களை ஈடுபடுத்துவோருக்கு அபராதம் விதிக்க தமிழக அரசு நடவடிக்கை எடுக்க வேண்டும் என்று ஐகோர்ட்டு உத்தரவிட்டுள்ளது.
4. விதிமீறல்: ரெயில்வே பயணிகளிடம் 6 மாதத்தில் ரூ.35.47 கோடி அபராதம்
கொரோனா விதிமீறலில் ஈடுபட்ட பயணிகளிடம் கடந்த 6 மாதத்தில் ரூ.35.47 கோடி அபராதம் வசூலாகி உள்ளது என தெற்கு ரெயில்வே தெரிவித்து உள்ளது.
5. கோவில்களில் மொட்டை போடும் பணியாளர்களுக்கு ரூ.5 ஆயிரம் ஊக்கத்தொகை
கோவில்களில் மொட்டை போடும் பணியாளர்களுக்கு மாதந்தோறும் ரூ.5 ஆயிரம் ஊக்கத்தொகை வழங்கும் திட்டத்தை முதல்-அமைச்சர் மு.க.ஸ்டாலின் தொடங்கிவைத்தார்.