மாநில செய்திகள்

தகவல் தொழில்நுட்ப புதிய விதிகள் சமூக வலைதளங்களை ஒழுங்குபடுத்தவே கொண்டு வரப்பட்டுள்ளன மத்திய அரசு ஐகோர்ட்டில் பதில் + "||" + New rules in information technology have been introduced to regulate social networking sites

தகவல் தொழில்நுட்ப புதிய விதிகள் சமூக வலைதளங்களை ஒழுங்குபடுத்தவே கொண்டு வரப்பட்டுள்ளன மத்திய அரசு ஐகோர்ட்டில் பதில்

தகவல் தொழில்நுட்ப புதிய விதிகள் சமூக வலைதளங்களை ஒழுங்குபடுத்தவே கொண்டு வரப்பட்டுள்ளன மத்திய அரசு ஐகோர்ட்டில் பதில்
தகவல் தொழில்நுட்ப புதிய விதிகள் சமூக வலைதளங்களை ஒழுங்குபடுத்தவே கொண்டுவரப்பட்டுள்ளன என்று சென்னை ஐகோர்ட்டில் மத்திய அரசு பதில் அளித்துள்ளது.
சென்னை,

சமூக ஊடகங்களில் இந்தியாவின் பாதுகாப்புக்கும், இறையாண்மைக்கும் எதிரான தகவல்கள் பகிரப்படுவதாக கூறி, அதை தடுப்பதற்காக கடந்த பிப்ரவரி மாதம் தகவல் தொழில்நுட்பம் புதிய விதிகள் 2021-ஐ மத்திய அரசு கொண்டு வந்தது.


இந்த விதிகளை செல்லாது என அறிவிக்கக்கோரி கர்நாடக இசைக் கலைஞர் டி.எம்.கிருஷ்ணா உள்ளிட்டோர் சென்னை ஐகோர்ட்டில் வழக்கு தொடர்ந்தனர்.

இந்த வழக்கில் மத்திய அரசின் தகவல் ஒலிபரப்புத்துறை சார்பில் அதன் துணை செயலாளர் அமரேந்தர் சிங் பதில் மனு தாக்கல் செய்துள்ளார்.

ஒழுங்குபடுத்தும் வகையில் சட்டம்

அதில் கூறியிருப்பதாவது:-

சமூக வலைதளங்களை ஒழுங்குபடுத்தவே இந்த சட்டம் கொண்டுவரப்பட்டுள்ளது. நாட்டின் ஒற்றுமை, இறையாண்மைக்கு ஊறு விளைவிப்பது, நாட்டின் பாதுகாப்புக்கு அச்சுறுத்தல் ஏற்படுத்துவது, அண்டை நாட்டு உறவை குலைக்கும் தகவலை பகிர்வது போன்ற செயல்பாடுகளை தடுக்கும் வகையிலேயே இந்த சட்டம் இயற்றப்பட்டுள்ளது.

சமூக வலைதளங்கள் மட்டுமல்லாமல், இணையதள சேவை வழங்கும் நிறுவனங்களையும் கட்டுப்படுத்த விதிகள் கொண்டு வரப்பட்டுள்ளன.

முழு அதிகாரம்

சமூக வலைதளங்களில் ஆட்சேபனைக்குரிய பதிவை அரசோ அல்லது நீதிமன்றமோ தான் நீக்கும் வகையில் இருந்த விதிகளை மாற்றி, சம்பந்தப்பட்ட வெளியீட்டு நிறுவனங்களே முடக்கும் வகையில் விதிகள் வகுக்கப்பட்டுள்ளன.

இதுபோன்ற விதிகளை கொண்டுவர அரசுக்கு முழு அதிகாரம் உள்ளது. இந்த புதிய சட்டம் அரசியல் சாசன விதிகளை மீறவில்லை. எனவே, இந்த மனுக்களை தள்ளுபடி செய்ய வேண்டும்.

இவ்வாறு அதில் கூறப்பட்டிருந்தது.

இந்த வழக்கை விசாரித்த தலைமை நீதிபதி சஞ்சீவ் பானர்ஜி தலைமையிலான அமர்வு, விசாரணையை 14-ந் தேதிக்கு தள்ளிவைத்தது.

தொடர்புடைய செய்திகள்

1. உதவி பேராசிரியர் உள்ளிட்ட பணியிடங்களுக்கு இந்துக்கள் மட்டுமே விண்ணப்பிக்க வேண்டும் என்ற அறிவிப்பை எதிர்த்து வழக்கு
உதவி பேராசிரியர் உள்ளிட்ட பணியிடங்களுக்கு இந்துக்கள் மட்டுமே விண்ணப்பிக்க வேண்டும் என்ற அறிவிப்பை எதிர்த்து வழக்கு ஐகோர்ட்டில் விரைவில் விசாரணை.
2. அ.தி.மு.க. ஆட்சியில் அம்மா மினி கிளினிக்குகளுக்கு நர்சுகள் நியமிக்கப்படவில்லை ஓ.பன்னீர்செல்வத்துக்கு அமைச்சர் மா.சுப்பிரமணியன் பதில்
அ.தி.மு.க. ஆட்சியில் அம்மா மினி கிளினிக்குகளுக்கு நர்சுகள் யாரும் நியமிக்கப்படவில்லை எனவும், இல்லாத செவிலியர்களுக்கு ஏன் சம்பளம் கொடுக்க வேண்டும் எனவும் ஓ.பன்னீர்செல்வம் குற்றச்சாட்டுக்கு அமைச்சர் மா.சுப்பிரமணியன் பதிலளித்துள்ளார்.
3. கடலூரில் நெல் கொள்முதல் நிலையங்கள் முறையாக செயல்படுகின்றன எடப்பாடி பழனிசாமி குற்றச்சாட்டுக்கு அமைச்சர் பதில்
கடலூர் மாவட்டத்தில் நெல் கொள்முதல் நிலையங்கள் முறையாக செயல்பட்டு வருகின்றன என்று அமைச்சர் சக்கரபாணி பதில் அளித்துள்ளார்.
4. ‘நீட்’ தேர்வு உயிரிழப்புகளுக்கு யார் காரணம்? அமைச்சர் மா.சுப்பிரமணியன் பதில்
‘நீட்’ தேர்வு உயிரிழப்புகளுக்கு யார் காரணம்? என்பது குறித்து மா.சுப்பிரமணியன் பேட்டி அளித்துள்ளார்.
5. தி.மு.க. சின்னத்தில் போட்டியிட்ட எம்.எல்.ஏ.க்களை எதிர்க்கட்சி உறுப்பினர்களாக கருதக்கூடாது என வழக்கு
தி.மு.க. சின்னத்தில் போட்டியிட்ட எம்.எல்.ஏ.க்களை எதிர்க்கட்சி உறுப்பினர்களாக கருதக்கூடாது என வழக்கு ஐகோர்ட்டில் விரைவில் விசாரணை.