மாநில செய்திகள்

அனைத்து அட்டைதாரர்களுக்கும் ரேஷன் பொருட்கள் வழங்குவதில் எந்த மாற்றமும் இல்லை + "||" + There is no change in the distribution of ration items to all cardholders

அனைத்து அட்டைதாரர்களுக்கும் ரேஷன் பொருட்கள் வழங்குவதில் எந்த மாற்றமும் இல்லை

அனைத்து அட்டைதாரர்களுக்கும் ரேஷன் பொருட்கள் வழங்குவதில் எந்த மாற்றமும் இல்லை
அனைத்து ரேஷன் அட்டைதாரர்களுக்கும் பொது வினியோகத் திட்டத்தில் பொருட்கள் வழங்குவதில் எந்தவித மாற்றமும் செய்யப்படவில்லை என்று தமிழக அரசு தெளிவுபடுத்தியுள்ளது.
சென்னை,

தமிழ்நாடு அரசு ரேஷன் அட்டைதாரர்களுக்கு இடையே எவ்வித பாகுபாடும் இன்றி அனைவருக்குமான பொது வினியோகத் திட்டத்தை தொடர்ந்து செயல்படுத்திவரும் நிலையில் சமீபகாலமாக சமூக ஊடகங்கள் சிலவற்றில் மத்திய மற்றும் மாநில அரசு அலுவலர்களுக்கும், ஆண்டு வருமானம் ஒரு லட்சம் ரூபாய்க்கு மேல் உள்ள குடும்பங்களுக்கும், 5 ஏக்கருக்கு மேல் நிலம் வைத்திருக்கும் விவசாயிகளுக்கும், 3 அறைகள் கொண்ட கான்கிரீட் வீட்டில் குடியிருப்பவர்களுக்கும் பொது வினியோகத்திட்ட அரிசி இல்லை என்று எவ்வித முகாந்திரமும் அற்ற பொய்யான தகவல்கள் பரப்பப்படுவதாக அரசின் கவனத்துக்கு கொண்டுவரப்பட்டுள்ளது.


மாற்றம் இல்லை

மிகவும் சிறப்பாக செயல்பட்டுவரும் அனைவருக்குமான பொது வினியோகத் திட்டத்தின் பலன்கள் அனைத்து ரேஷன் அட்டைதாரர்களுக்கும் தொடர்ந்து வழங்கப்படுகிறது என்றும், இதில் எவ்வித மாற்றங்களும் மேற்கொள்ளப்படவில்லை என்றும் தெரிவிக்கப்படுகிறது.

தற்போது அரிசி பெற்றுவரும் அனைத்து ரேஷன் அட்டைதாரர்களும் இலவச அரிசி மற்றும் பொது வினியோகத் திட்டத்தில் தற்போது மானிய விலையில் பெற்றுவரும் அனைத்து பொருட்களையும் தொடர்ந்து பெறலாம் என தெளிவுபடுத்தப்படுகிறது. சமூக ஊடகங்களில் பரவிவரும் இது குறித்த செய்திகள் முற்றிலும் உண்மைக்கு புறம்பானவை எனவும் தெரிவிக்கப்படுகிறது.

இவ்வாறு அதில் கூறப்பட்டுள்ளது.

தொடர்புடைய செய்திகள்

1. ஆர்.கே. பேட்டை அருகே வெடி பொருட்கள் செயலிழக்க வைப்பு
ஆர்.கே.பேட்டை அருகே வெடி பொருட்கள் செயலிழக்க வைக்கப்பட்டன.
2. ரேஷன் கார்டில் குறியீட்டை மாற்றம் செய்து தரக்கோரி பொதுமக்கள் காத்திருப்பு போராட்டம்
வடகாட்டில் ரேஷன் கார்டில் குறியீட்டை மாற்றம் செய்து தரக்கோரி பொதுமக்கள் காத்திருப்பு போராட்டத்தில் ஈடுபட்டனர்.
3. நிவாரணத்தொகை, மளிகைப்பொருட்கள் தொகுப்பை பெறாதவர்கள் ரேஷன் கடைகளில் 31-ந் தேதி வரை பெற்றுக்கொள்ளலாம்
நிவாரணத்தொகை மற்றும் மளிகைப்பொருட்கள் தொகுப்பை பெறாதவர்கள் ரேஷன் கடைகளில் வரும் 31-ந் தேதி வரை பெற்றுக்கொள்ளலாம் என்று தமிழக அரசு அறிவித்துள்ளது.
4. ரேஷன் கடைகளில் மீண்டும் கைவிரல் ரேகை பதிவு முறை அமலுக்கு வந்தது
சென்னை மாநகரில் உள்ள ரேஷன் கடைகளில் மீண்டும் கைவிரல் ரேகை பதிவு முறை அமலுக்கு வந்தது. ஒரு சில கடைகளில் பழுதான எந்திரங்களை மாற்றி சேவையை விரைவுபடுத்த பொதுமக்கள் கோரிக்கை விடுத்து உள்ளனர்.
5. சேமிப்பு கிடங்குகளில் இருந்து 14 வகை நிவாரண பொருட்கள் ரேஷன் கடைகளுக்கு அனுப்பும் பணி
தமிழகத்தில் முழு ஊரடங்கால் பாதிக்கப்படும் மக்களுக்கு கொரோனா நிவாரண நிதிஉதவி வழங்கும் விதமாக அரிசி பெறும் குடும்ப அட்டைதாரர்களுக்கு கொரோனா சிறப்பு நிவாரண நிதி ரூ.4 ஆயிரம் வழங்கப்படும் என தமிழகஅரசு அறிவித்தது.