முதியவர் தூக்குப்போட்டு தற்கொலை

சேரன்மாதேவி:

வீரவநல்லூர் அருகே உள்ள தெற்கு வீரவநல்லூர் பாரதிநகர் பகுதியைச் சேர்ந்தவர் கிருஷ்ணன் (வயது 81). இவருக்கு இந்திரா என்ற மனைவியும், ஒரு மகன் மற்றும் ஒரு மகள் உள்ளனர். இந்நிலையில் சொத்து தொடர்பாக கிருஷ்ணன் மன உளைச்சலில் இருந்ததாக கூறப்படுகிறது. இதனால் விரக்தி அடைந்த கிருஷ்ணன் நேற்று வீட்டில் யாரும் இல்லாத நேரத்தில் தூக்குப்போட்டு தற்கொலை செய்துகொண்டார். இதுகுறித்து தகவலறிந்த வீரவநல்லூர் போலீசார் சம்பவ இடத்திற்கு விரைந்து சென்று அவரது உடலை கைப்பற்றி நெல்லை அரசு மருத்துவமனைக்கு அனுப்பி வைத்தனர். மேலும் இதுகுறித்து வீரவநல்லூர் போலீசார் வழக்குப்பதிவு செய்து விசாரணை மேற்கொண்டு வருகின்றனர்.