உலக செய்திகள்

உலகைச்சுற்றி... + "||" + Around the world ...

உலகைச்சுற்றி...

உலகைச்சுற்றி...
* காஷ்மீரில் நடைபெறும் மனித உரிமை மீறல் குறித்து விசாரிக்க சர்வதேச விசாரணைக்குழு அமைக்க வேண்டும் என ஐ.நா. மனித உரிமை ஆணையம் கூறியிருந்தது. இந்த விவகாரம் குறித்து கருத்து தெரிவிக்க மறுத்த ஐ.நா. பொதுச்செயலாளரின் செய்தி தொடர்பாளர், மனித உரிமை ஆணையம் வெளியிட்ட அறிக்கை குறித்து அதன் தலைவர் மட்டுமே பேச வேண்டும் எனக்கூறினார்.
* மெக்சிகோவில் தொடர்ந்து வன்முறைகள் அரங்கேறி வரும் நகரங்களில் ஒன்றான சியுடாட் ஜுவாரசில், 3 பெண்கள் உள்பட 11 பேர் நேற்று முன்தினம் கொலை செய்யப்பட்டு ஒரு வீட்டில் பிணமாக கிடந்தனர். நாட்டின் புதிய அதிபராக தேர்ந்தெடுக்கப்பட்டு உள்ள ஒப்ராடர், வருகிற 7-ந்தேதி அங்கு பயணம் மேற்கொள்ள இருக்கும் நிலையில் இந்த சம்பவம் நடந்திருப்பது அதிர்ச்சியை ஏற்படுத்தி உள்ளது.

* அமெரிக்காவில் இருந்து இறக்குமதி செய்யப்படும் 5,207 பொருட்களுக்கு கூடுதல் வரி அறிவிப்பை சீனா மீண்டும் வெளியிட்டு உள்ளது. இந்த பொருட்களுக்கு 5 முதல் 25 சதவீதம் வரை இறக்குமதி வரி விதிப்பதாக கூறியுள்ள சீனா, இந்த எதிர்ப்பு நடவடிக்கைகள் நியாயமானது எனவும், அமெரிக்காவின் மிரட்டலை ஒருபோதும் ஏற்கமாட்டோம் எனவும் அறிவித்து உள்ளது.

* அமெரிக்காவின் கலிபோர்னியாவில் கடந்த சில ஆண்டுகளில் இல்லாத அளவுக்கு மிகப்பெரும் காட்டுத்தீ பரவி வருகிறது. நேற்று முன்தின நிலவரப்படி 1,57,450 ஏக்கர் பரப்பளவில் பரவி இருக்கும் காட்டுத்தீயால், 16 ஆயிரம் குடும்பத்தினர் அங்கிருந்து வெளியேற்றப்பட்டு உள்ளனர். மேலும் கடுமையான அனல் காற்றும் வீசுவதால் தீயை அணைக்க தீயணைப்பு வீரர்கள் கடுமையாக போராடி வருகின்றனர்.

* ஜிம்பாப்வே அதிபர் தேர்தலில் வெற்றி பெற்ற எமர்சன் மனன்கக்வா, தனது வெற்றியை நாட்டின் புதிய தொடக்கம் என புகழ்ந்துள்ளார். நாட்டில் சுதந்திரமான, நேர்மையான மற்றும் நம்பகமான தேர்தல் நடந்திருப்பதை உலகுக்கு காட்டியுள்ளதாக கூறிய அவர், எதிர்க்கட்சிகளின் எதிர்ப்பையும் மீறி அனைவரும் ஒற்றுமையாக செயல்பட வேண்டும் என நாட்டு மக்களுக்கு அழைப்பு விடுத்துள்ளார். 

தொடர்புடைய செய்திகள்

1. உலகைச்சுற்றி...
அமெரிக்கா-சீனா இடையிலான வர்த்தக பேச்சுவார்த்தை சிறப்பாக நடந்து வருவதாக ஜனாதிபதி டிரம்ப் தெரிவித்துள்ளார்.
2. உலகைச்சுற்றி...
* வெனிசூலாவில் அதிபர் நிகோலஸ் மதுரோவை பதவி விலக வலியுறுத்தி எதிர்க்கட்சியினர் நடத்தி வரும் போராட்டங்கள் குறித்து, செய்திகளை சேகரித்து வெளியிட்டதற்காக வெளிநாடுகளை சேர்ந்த 5 பத்திரிகையாளர்களை போலீசார் கைது செய்தனர். அவர்கள் நாடு கடத்தப்படுகிறார்கள்.
3. உலகைச்சுற்றி...
* சிரியாவில் அமெரிக்க படை விலகினாலும், பிரான்ஸ் படை தொடர்ந்து இருக்கும் என அறிவிக்கப்பட்டுள்ளது.
4. உலகைச்சுற்றி...
* தீபாவளி பண்டிகையையொட்டி, ஐ.நா. அஞ்சல் முகமை சிறப்பு தபால் தலை வெளியிட்டு சிறப்பு செய்துள்ளது. இதற்காக இந்தியாவின் நிரந்தர பிரதிநிதி அக்பருதீன் நன்றி தெரிவித்துக்கொண்டுள்ளார். இதற்கிடையே தீபாவளி வாழ்த்து தெரிவித்து அமெரிக்க வெளியுறவு மந்திரி மைக் பாம்பியோ செய்தி வெளியிட்டார். அதில் அவர் இருளை ஒளி வீழ்த்தி வெற்றி கண்டதைக் கொண்டாடும் பண்டிகை தீபாவளி என கூறி உள்ளார்.

ஆசிரியரின் தேர்வுகள்...