உலக செய்திகள்

ஆப்கானிஸ்தான் குண்டுவெடிப்பில் 2 பத்திரிகையாளர்கள் உள்பட 20 பேர் உயிரிழப்பு + "||" + Afghanistan Two journalists among 20 killed in Kabul blasts

ஆப்கானிஸ்தான் குண்டுவெடிப்பில் 2 பத்திரிகையாளர்கள் உள்பட 20 பேர் உயிரிழப்பு

ஆப்கானிஸ்தான் குண்டுவெடிப்பில் 2 பத்திரிகையாளர்கள் உள்பட 20 பேர் உயிரிழப்பு
ஆப்கானிஸ்தானில் நடந்த இரட்டை குண்டுவெடிப்பில் 2 பத்திரிகையாளர்கள் உள்பட 20 பேர் உயிரிழந்தனர்.
காபூல், 

ஆப்கானிஸ்தான் தலைநகர் காபூலில் மல்யுத்த பயிற்சி மையத்தில் நுழைந்த பயங்கரவாதி தனது உடலில் கட்டிக்கொண்டு வந்திருந்த சக்தி வாய்ந்த வெடிகுண்டுகளை வெடிக்க செய்தான். பயிற்சி மையத்துக்குள் இருந்த அனைவரும் உயிரை காப்பாற்றிக்கொள்ள ஓடினர். இருப்பினும் குண்டுவெடிப்பில் பலரும் சிக்கினர். இது பற்றிய தகவல் கிடைத்ததும் பாதுகாப்பு படை வீரர்கள் விரைந்து சென்று மீட்பு பணியை தொடங்கினர். குண்டுவெடிப்பு பற்றி செய்தி சேகரிப்பதற்காக பத்திரிகையாளர்களும் அங்கு குவிந்தனர். 

முழு வீச்சில் மீட்பு பணிகள் நடந்துகொண்டிருந்தபோது பயிற்சி மையத்தின் வெளியே நிறுத்தப்பட்டிருந்த காரில் பொருத்தி வைக்கப்பட்டிருந்த குண்டுகள் பயங்கர சத்தத்துடன் வெடித்து சிதறியது. அடுத்தடுத்து நடந்த குண்டுவெடிப்பு சம்பவங்களால் அந்த இடமே போர்க்களமாக மாறியது. இந்த கோர சம்பவங்களில் 2 பத்திரிகையாளர்கள் உள்பட 20 பேர் சம்பவ இடத்திலேயே பரிதாபமாக உயிர் இழந்தனர். 4 பத்திரிகையாளர்கள் உள்பட 70 பேர் பலத்த காயம் அடைந்துள்ளனர் என தெரிவிக்கப்பட்டுள்ளது. அவர்கள் மருத்துவமனையில் சிகிச்சை பெற்று வருகிறார்கள். இந்த இரட்டை குண்டுவெடிப்புக்கு ஐ.எஸ். பயங்கரவாத இயக்கம் பொறுப்பேற்றுள்ளது.



தொடர்புடைய செய்திகள்

1. ஆப்கானிஸ்தானில் உள்ளூர் தளபதி உள்பட 8 பயங்கரவாதிகள் சாவு
ஆப்கானிஸ்தானில் தலீபான்கள் ஆதிக்கம் முடிவுக்கு வந்த பாடில்லை. மாஸ்கோவில் சமரச பேச்சு வார்த்தை முடிந்துள்ள நிலையில், அவர்கள் தொடர்ந்து தாக்குதல்கள் நடத்தி வருகின்றனர்.
2. ஆப்கானிஸ்தான்: தலீபான் தாக்குதலில் 29 போலீசார் உள்பட 38 பேர் பலி
ஆப்கானிஸ்தானில் தலீபான்கள் நடத்திய தாக்குதலில் 29 போலீசார் உள்பட 38 பேர் பலியாயினர்.
3. சோமாலியாவில் குண்டுவெடிப்பு; துப்பாக்கிச்சூடு - 20 பேர் கொன்று குவிப்பு
சோமாலியாவில் குண்டுவெடிப்பு மற்றும் துப்பாக்கிச்சூட்டில் 20 பேர் கொன்று குவிக்கப்பட்டனர்.
4. ஆப்கன் தலீபான்களுடன் முதல் முறையாக பேச்சு நடத்தும் இந்தியா
ஆப்கன் தலீபான்களுடன் முதல் முறையாக இந்தியா அதிகாரப்பூர்வமற்ற முறையில் பேச்சு வார்த்தை நடத்த உள்ளது.
5. உலகைச் சுற்றி
ஆப்கானிஸ்தானில் டாக்கார் மாகாணத்தில் தலீபான் பயங்கரவாதிகள் நடத்திய தாக்குதலில் ராணுவ வீரர்கள் 14 பேர் கொல்லப்பட்டனர்.