<
அமெரிக்காவின் ஆளில்லா விமானத்தை இடைமறித்த ரஷிய ஜெட் விமானங்கள்
கிழக்கு மத்தியதரைக் கடலில் அமெரிக்காவின் ஆளில்லா விமானத்தை இரண்டு ரஷிய ஜெட் விமானங்கள் இடைமறித்ததாக அமெரிக்க கடற்படை தெரிவித்துள்ளது.
வாஷிங்டன்
மே 26, 2020 அன்று, அமெரிக்க கடற்படைக்கு சொந்தமான பி -8 ஏ ஆளில்லா விமானம் கிழக்கு மத்தியதரைக் கடலில் சர்வதேச கடல் வழியாக பறந்து கொண்டிருந்தது. அப்போது இரண்டு ரஷிய சு -35 விமானம் 65 நிமிடங்கள் அமெரிக்க விமானத்தை இடைமறித்து முறைகேடான முறையில் தடுத்து நிறுத்தியது.
ரஷிய விமானிகள் பி -8 ஏவின் இரு பக்கத்திலும் ஒரே நேரத்தில் நெருக்கமான நிலையில் பறந்ததால், இந்த இடைமறிப்பு பாதுகாப்பற்றது மற்றும் தொழில்சார்ந்ததல்ல என்று தீர்மானிக்கப்பட்டது என்று அமெரிக்க கடற்படை தெரிவித்துள்ளது.
ரஷிய சு -35 விமானிகளின் நடவடிக்கைகள் வான்வெளி மற்றும் சர்வதேச விமான விதிகளுக்கு முரணானவை என்றும், இரு நாட்டு விமானத்தின் பாதுகாப்பையும் பாதிக்கும் என்றும் அமெரிக்க கடற்படை கூறி உள்ளது.
1972 ஆம் ஆண்டு உயர் கடல்களில் மற்றும் அதற்கு மேல் சம்பவங்களைத் தடுப்பதற்கான ஒப்பந்தம் (INCSEA) உட்பட பாதுகாப்பை உறுதி செய்வதற்கும், சம்பவங்களைத் தடுப்பதற்கும் அமைக்கப்பட்ட சர்வதேச தரங்களுக்குள் அவை செயல்படும் என்று நாங்கள் எதிர்பார்க்கிறோம் என அமெரிக்க கடற்படை கூறியுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
