பாகிஸ்தானில் மின்னல் தாக்கி 14 பேர் சாவு

இந்த மழை விடிய விடிய வெளுத்து வாங்கியது. இதில் தோர்ஹர் கிராமம் கடுமையாக பாதிக்கப்பட்டது. கன மழையை தொடர்ந்து அங்கு பெரிய அளவில் நிலச்சரிவு ஏற்பட்டது. இதில் பல வீடுகள் மண்ணோடு மண்ணாக புதைந்தன.‌

இதனிடையே மழை பெய்தபோது அங்குள்ள 3 வீடுகளை மின்னல் தாக்கியது. இதில் அந்த வீடுகளில் இருந்த பெண்கள், சிறுவர்கள் உள்பட 14 பேர் மின்னல் தாக்கி பரிதாபமாக உயிரிழந்தனர். மேலும் 2 பேர் படுகாயம் அடைந்தனர். அவர்கள் மீட்கப்பட்டு சிகிச்சைக்காக அருகில் உள்ள ஆஸ்பத்திரியில் சேர்க்கப்பட்டனர். இதையடுத்து, மழை வெள்ளம் பாதித்த அந்த கிராமத்தில் மீட்புக்குழுவினர் குவிக்கப்பட்டு முழுவீச்சில் மீட்பு பணிகள் நடந்து வருகின்றன.