டெஸ்ட் கிரிக்கெட் தரவரிசை: இந்திய அணி தொடர்ந்து முதலிடம்

துபாய்,

டெஸ்ட் கிரிக்கெட் போட்டியின் முடிவுகளின் தொகுப்பு அடிப்படையில் அணிகளின் தரவரிசை பட்டியலை சர்வதேச கிரிக்கெட் கவுன்சில் (ஐ.சி.சி.) நேற்று வெளியிட்டுள்ளது. இதன்படி இந்திய அணி (125 புள்ளிகள்) 4 புள்ளிகள் அதிகரித்து முதலிடத்தில் நீடிக்கிறது. தென்ஆப்பிரிக்க அணி (112 புள்ளிகள்) 5 புள்ளிகளை இழந்து 2-வது இடத்திலும், ஆஸ்திரேலிய அணி (106 புள்ளிகள்) 6 புள்ளிகள் அதிகரித்து 3-வது இடத்திலும், நியூசிலாந்து அணி (102 புள்ளிகள்) 4-வது இடத்திலும், இங்கிலாந்து அணி (98 புள்ளிகள்) ஒரு புள்ளி அதிகரித்து 5-வது இடத்திலும், இலங்கை அணி (94 புள்ளிகள்) ஒரு புள்ளி சரிந்து 6-வது இடத்திலும், பாகிஸ்தான் அணி (86 புள்ளிகள்) 2 புள்ளி சறுக்கி 7-வது இடத்திலும், வங்காளதேச அணி (75 புள்ளிகள்) 4 புள்ளிகள் உயர்ந்து 8-வது இடத்திலும், வெஸ்ட்இண்டீஸ் அணி (67 புள்ளிகள்) 5 புள்ளி சரிந்து 9-வது இடத்திலும், ஜிம்பாப்வே அணி (2 புள்ளி) ஒரு புள்ளி அதிகரித்து 10-வது இடத்திலும் உள்ளன.