ஐ.பி.எல். கிரிக்கெட்டில் இன்றைய ஆட்டம்

ஐதராபாத் சன்ரைசர்ஸ்– ராஜஸ்தான் ராயல்ஸ்

இடம்: ஐதராபாத், நேரம்: இரவு 8 மணி

வில்லியம்சன் கேப்டன் ரஹானே

நட்சத்திர வீரர்கள்

வார்னர், ரஷித்கான், புவனேஷ்வர்குமார், விஜய் சங்கர், மனிஷ் பாண்டே

ஸ்டீவன் சுமித், ஜோஸ் பட்லர், பென் ஸ்டோக்ஸ், ஜெய்தேவ் உனட்கட், சஞ்சு சாம்சன்

இதுவரை நேருக்கு நேர் 9

5 வெற்றி 4 வெற்றி

உள்ளூரில் ஆதிக்கம் செலுத்துமா ஐதராபாத்?

முன்னாள் சாம்பியனான ஐதராபாத் சன்ரைசர்ஸ் அணி தனது தொடக்க ஆட்டத்தில் கொல்கத்தாவுக்கு எதிராக 181 ரன்கள் குவித்த போதிலும் தோல்வியை தழுவியது. இதில் கடைசி 3 ஓவர்களில் 53 ரன்கள் தேவைப்பட்ட போது, கொல்கத்தா வீரர் ஆந்த்ரே ரஸ்செல் அதிரடி காட்டி வெற்றிக்கனியை பறித்தார். காயத்தால் அந்த ஆட்டத்தில் ஆடாத ஐதராபாத் கேப்டன் வில்லியம்சன் இன்றைய மோதலில் களம் காணுவார் என்று எதிர்பார்க்கப்படுகிறது. ஓராண்டு தடைக்கு பிறகு அணிக்கு திரும்பிய டேவிட் வார்னர் பார்மில் இருப்பது ஐதராபாத் அணிக்கு கூடுதல் நம்பிக்கை அளிக்கிறது. அது மட்டுமின்றி உள்ளூர் சூழல் ஐதராபாத் அணிக்கு அனுகூலமான வி‌ஷயமாகும். இந்த ஆடுகளம் பந்து வீச்சுக்கு உதவிகரமாக இருக்கும். இங்கு ஆதிக்கம் செலுத்தும் முனைப்புடன் ஐதராபாத் அணி தயாராகி வருகிறது.

பேட்டிங்கில் பலம் பொருந்திய அணியான ராஜஸ்தான் அணி தனது முதல் ஆட்டத்தில் 14 ரன்கள் வித்தியாசத்தில் பஞ்சாப்பிடம் தோல்வி அடைந்தது. அந்த ஆட்டத்தில் ராஜஸ்தான் வீரர் ஜோஸ் பட்லர் (69 ரன்) ‘மன்கட்’ முறையில் ரன்–அவுட் செய்யப்பட்டது சலசலப்பை ஏற்படுத்தியது. இந்த சர்ச்சை இன்னும் ஓயாத நிலையில் அதை ஒதுக்கிவிட்டு வெற்றிக்கணக்கை தொடங்குவதில் தீவிரம் காட்டி வருகிறது.

(நேரடி ஒளிபரப்பு: ஸ்டார் ஸ்போர்ட்ஸ்)