உலக கோப்பை கிரிக்கெட் போட்டிக்கான பயிற்சி ஆட்டம் இன்று தொடக்கம்

பிரிஸ்டல்,

10 அணிகள் இடையிலான 12-வது உலக கோப்பை கிரிக்கெட் போட்டி இங்கிலாந்தில் வருகிற 30-ந் தேதி தொடங்குகிறது. இந்த போட்டியில் கலந்து கொள்ளும் அணிகளுக்கு தலா 2 பயிற்சி ஆட்டங்கள் ஏற்பாடு செய்யப்பட்டு இருக்கிறது. இந்த பயிற்சி ஆட்டம் இன்று (வெள்ளிக்கிழமை) முதல் 28-ந் தேதி வரை நடக்கிறது. இன்று பிரிஸ்டலில் நடைபெறும் ஒரு பயிற்சி ஆட்டத்தில் ஆப்கானிஸ்தான்-பாகிஸ்தான் அணிகள் மோதுகின்றன. கார்டிப்பில் நடக்கும் மற்றொரு பயிற்சி ஆட்டத்தில் தென்ஆப்பிரிக்கா-இலங்கை அணிகள் சந்திக்கின்றன. இந்திய நேரப்படி பிற்பகல் 3 மணிக்கு தொடங்கும் இந்த போட்டியை ஸ்டார் ஸ்போர்ட்ஸ் சேனல் நேரடியாக ஒளிபரப்பு செய்கிறது.