கிரிக்கெட்

மீண்டும் அதுபோல நடக்காது என்று நம்புகிறோம்: ஓவர் த்ரோ குறித்து வில்லியம்சன் கருத்து + "||" + Hope it never happens in such moments again: Williamson on overthrow incident

மீண்டும் அதுபோல நடக்காது என்று நம்புகிறோம்: ஓவர் த்ரோ குறித்து வில்லியம்சன் கருத்து

மீண்டும் அதுபோல நடக்காது என்று நம்புகிறோம்: ஓவர் த்ரோ குறித்து வில்லியம்சன் கருத்து
கோப்பையை வெல்ல தகுதியான அணி இங்கிலாந்து என்று நியூசிலாந்து அணியின் கேப்டன் வில்லியம்சன் தெரிவித்தார்.
லண்டன்,

உலக கோப்பை கிரிக்கெட் போட்டி தொடரின் இறுதி ஆட்டம் நேற்று நடைபெற்றது.  இங்கிலாந்து - நியூசிலாந்து அணிகள் இடையே நடைபெற்ற இந்த பரபரப்பான ஆட்டத்தில் சூப்பர் ஓவரில் இங்கிலாந்து வென்று சாம்பியன் பட்டத்தை முதல் முறையாக வென்றது.  முன்னதாக ஆட்டத்தின் போது 3 பந்துகளில் 9 ரன்கள் எடுத்தால் என்ற இக்கட்டான நிலை இங்கிலாந்து அணிக்கு இருந்தது.   4-வது பந்தில் 2 ரன்களே ஓடி எடுக்கப்பட்ட நிலையில், ஓவர் த்ரோ மூலம் பவுண்டரி சென்று இங்கிலாந்து அணிக்கு ஆறு ரன்கள் கிடைத்தது. ஆட்டத்தின் முக்கிய திருப்புமுனையாக இந்த ஓவர் த்ரோ அமைந்தது.  

இந்த நிலையில், போட்டிக்கு பிறகு நடைபெற்ற பரிசளிப்பு விழாவில் பேசிய நியூசிலாந்து அணியின் கேப்டன் வில்லியம்சன் கூறியதாவது:- ‘போட்டி கடும் சவாலாக இருந்தது. இங்கிலாந்து அணிக்கு வாழ்த்துகள். உலகக்கோப்பையை வெல்ல அந்த அணி தகுதியானது. இந்த பிட்ச் நாங்கள் எதிர்பார்த்ததை விட வித்தியாசமாக இருந்தது. இதில் 300 ரன்களுக்கு மேல் அடிக்கலாம் என்று பேசிக் கொண்டிருந்தோம்.

ஆனால், அப்படி ஏதும் நடக்கவில்லை. இன்னும் 10-20 ரன்கள் கூடுதலாக அடித்திருந்தால் சிறப்பானதாக இருந்திருக்கும். எங்கள் வீரர்களும் சிறப்பாக ஆடினார்கள். கடைசி வரை போராடினார்கள். அவர்களுக்கு நன்றி. கடைசிக் கட்டத்தில் ஸ்டம்பை நோக்கி எறியப்பட்ட பந்து, பென் ஸ்டோக்ஸ் பேட்டில் பட்டு பவுண்டரி சென்றது அவமானகரமானது. விளையாட்டில் இதுவும் ஓர் அங்கம் என்றாலும், இதுபோன்ற சம்பவங்கள் இனியும் நடக்காது என நம்புகிறோம்” என்றார். 

தொடர்புடைய செய்திகள்

1. நியூசிலாந்துக்கு எதிரான டெஸ்ட்: இலங்கை அணி அபார வெற்றி
நியூசிலாந்துக்கு எதிரான முதலாவது டெஸ்டில் இலங்கை அணி 6 விக்கெட் வித்தியாசத்தில் வெற்றி பெற்றது.
2. நியூசிலாந்துக்கு எதிரான டெஸ்டில் 268 ரன்கள் இலக்கு: வெற்றியை நோக்கி இலங்கை அணி
காலே டெஸ்டில் நியூசிலாந்து நிர்ணயித்த 268 ரன்கள் இலக்கை நோக்கி விளையாடும் இலங்கை அணி விக்கெட் இழப்பின்றி 133 ரன்கள் சேர்த்து வெற்றியை நோக்கி பயணிக்கிறது.
3. நியூசிலாந்துக்கு எதிரான டெஸ்ட்: இலங்கை அணி 267 ரன்னில் ‘ஆல்-அவுட்’
நியூசிலாந்துக்கு எதிரான டெஸ்ட் போட்டியில், இலங்கை அணி 267 ரன்களில் ஆல்-அவுட் ஆனது.
4. நியூசிலாந்து-இலங்கை மோதும் முதலாவது டெஸ்ட் இன்று தொடக்கம்
நியூசிலாந்து-இலங்கை மோதும் முதலாவது டெஸ்ட் இன்று தொடங்குகிறது.
5. நியூசிலாந்தில் கருக்கலைப்பு சட்டபூர்வமாகிறது - நாடாளுமன்றத்தில் மசோதா தாக்கல்
நியூசிலாந்து நாடாளுமன்றத்தில் கருக்கலைப்பு சட்டபூர்வமாக்குவதற்கான மசோதா தாக்கல் செய்யப்பட்டது.