விராட்கோலியின் உடல் தகுதியும், மனவலிமையும் பார்க்க வியப்பாக உள்ளது - பிரையன் லாரா

* சூதாட்டத்தில் 135-க்கும் மேற்பட்ட டென்னிஸ் வீரர்கள் ஈடுபட்டு வருவதாகவும், இதில் டாப்-30 வரிசையில் இடம் பெற்றுள்ள வீரர் ஒருவரும் அடங்குவார் என்று ஜெர்மனியில் இருந்து வெளியாகும் பத்திரிகை ஒன்றில் செய்தி வெளியாகி இருக்கிறது. அர்மேனியா சூதாட்ட கும்பலுடன் இணைந்து வீரர்கள் செயல்படுவதாக அதில் குறிப்பிடப்பட்டுள்ளது.

* குடியுரிமை சட்ட திருத்தத்துக்கு எதிரான போராட்டம் காரணமாக கவுகாத்தியில் கடந்த வாரம் நடக்க இருந்த ஐ.எஸ்.எல். கால்பந்து ஆட்டம் மற்றும் ரஞ்சி கிரிக்கெட் போட்டி ஆகியவை ரத்து செய்யப்பட்டது. இந்த நிலையில் கவுகாத்தியில் நாளை (புதன்கிழமை) நார்த் ஈஸ்ட் யுனைடெட் எப்.சி.(கவுகாத்தி)- பெங்களூரு எப்.சி. அணியிலான கால்பந்து லீக் ஆட்டம் திட்டமிட்டபடி நடைபெறும் என்று தெரிவிக்கப்பட்டுள்ளது. தங்கள் அணி வீரர்கள் இன்று கவுகாத்தி செல்ல இருப்பதாக பெங்களூரு எப்.சி. அணி நிர்வாகம் தெரிவித்துள்ளது.

* ரஞ்சி கோப்பை கிரிக்கெட் போட்டியில் தமிழ்நாடு-இமாச்சல பிரதேச அணிகள் (பி பிரிவு) இடையிலான லீக் ஆட்டம் திண்டுக்கல்லில் இன்று காலை 9.30 மணிக்கு தொடங்குகிறது. தமிழக அணி தனது முதலாவது லீக் ஆட்டத்தில் 26 ரன்கள் வித்தியாசத்தில் கர்நாடகாவிடம் தோல்வி கண்டு இருந்தது. இமாச்சலபிரதேச அணி தனது முதல் ஆட்டத்தில் 5 விக்கெட் வித்தியாசத்தில் சவுராஷ்டிராவிடம் வீழ்ந்து இருந்தது.