கிரிக்கெட்

கொரோனா பாதிப்பால் தாயகம் திரும்பினேனா? - பாகிஸ்தான் முன்னாள் வீரர் ரமிஸ் ராஜாவுக்கு அலெக்ஸ் ஹாலெஸ் பதிலடி + "||" + Did Corona return home from impact? - Alex Hales retaliates to former Pakistan player Ramis Raja

கொரோனா பாதிப்பால் தாயகம் திரும்பினேனா? - பாகிஸ்தான் முன்னாள் வீரர் ரமிஸ் ராஜாவுக்கு அலெக்ஸ் ஹாலெஸ் பதிலடி

கொரோனா பாதிப்பால் தாயகம் திரும்பினேனா? - பாகிஸ்தான் முன்னாள் வீரர் ரமிஸ் ராஜாவுக்கு அலெக்ஸ் ஹாலெஸ் பதிலடி
கொரோனா பாதிப்பால் தாயகம் திரும்பினேனா என்பது குறித்து பாகிஸ்தான் முன்னாள் வீரர் ரமிஸ் ராஜாவுக்கு அலெக்ஸ் ஹாலெஸ் பதிலடி கொடுத்துள்ளார்.
லண்டன்,

பாகிஸ்தான் சூப்பர் லீக் 20 ஓவர் கிரிக்கெட் போட்டி லீக் சுற்றோடு தள்ளிவைக்கப்பட்டு விட்டது. அதற்கு முன்பாகவே கொரோனா அச்சத்தால் பெரும்பாலான வெளிநாட்டு கிரிக்கெட் வீரர்கள் பாகிஸ்தான் சூப்பர் லீக்குக்கு ‘குட்பை’ சொல்லி விட்டு ஓட்டம் பிடித்தனர். தாயகம் திரும்பியவர்களில் இங்கிலாந்தை சேர்ந்த அலெக்ஸ் ஹாலெஸ், ஜாசன் ராய், டைமல் மில்ஸ், லியாம் லிவிங்ஸ்டன், ஜேம்ஸ் வின்ஸ் உள்ளிட்டோரும் அடங்கும்.


இந்த நிலையில் பாகிஸ்தான் சூப்பர் லீக்கில் விளையாடிய வெளிநாட்டு கிரிக்கெட் வீரர்களில் ஒருவருக்கு மட்டும் கொரோனா அறிகுறி தென்பட்டது. அவரது பெயர் அலெக்ஸ் ஹாலெஸ் என்று பாகிஸ்தான் முன்னாள் கேப்டனும், வர்ணனையாளருமான ரமிஸ் ராஜா நேற்று நிருபர்களிடம் தெரிவித்தார். பாகிஸ்தான் கிரிக்கெட் வாரியம் அந்த வீரரின் பெயரை வெளியிட மறுத்த நிலையில், ரமிஸ் ராஜா ரகசியத்தை கசிய விட்டு விட்டார்.

இதற்கு பதில் அளித்து 31 வயதான அலெக்ஸ் ஹாலெஸ் கூறுகையில் ‘கடந்த சனிக்கிழமை அதிகாலை தாயகம் திரும்பிய போது உடல் ஆரோக்கியத்துடன் நன்றாக இருப்பதாக உணர்ந்தேன். வைரஸ் பாதிப்புக்குரிய அறிகுறி எதுவும் இல்லை. மறுநாள் காய்ச்சல் மற்றும் தொடர்ச்சியான இருமல் இருந்ததால் அரசாங்கத்தின் அறிவுறுத்தலின்படி மற்றவர்களுடன் பழகுவதை தவிர்த்து என்னைநானே தனிமைப்படுத்திக் கொண்டேன். இப்போதைக்கு நான் கொரோனா இருக்கிறதா என்பது குறித்து பரிசோதித்துக் கொள்ள வாய்ப்பில்லை. என்னை பற்றி தவறான செய்தி பரப்புவதை நிறுத்துங்கள். இது மோசமான நடத்தை’ என்றார்.


தொடர்புடைய செய்திகள்

1. உலக அளவில் 10 கோடியை நெருங்கும் கொரோனா பாதிப்பு
உலக அளவில் கொரோனா பாதித்தவர்கள் எண்ணிக்கை 10 கோடியை நெருங்கியுள்ளது.
2. கொரோனா பாதிப்பு: 6 ஜேம்ஸ் பாண்ட் படங்களில் ஸ்டண்ட்மேனாக பணியாற்றிய நடிகர் உயிரிழப்பு
6 ஜேம்ஸ் பாண்ட் படங்களில் ஸ்டண்ட்மேனாக பணியாற்றிய பழம்பெரும் நடிகர் ரெமி ஜூலியன் கொரோனா பாதிப்புகளால் உயிரிழந்து உள்ளார்.
3. கொரோனா பாதிப்பில் இருந்து குணமடைந்து விட்டேன் - சானியா மிர்சா
கொரோனா பாதிப்பில் இருந்து தான் குணமடைந்து விட்டதாக, இந்திய முன்னணி டென்னிஸ் வீராங்கனை சானியா மிர்சா தெரிவித்துள்ளார்.
4. கேரளாவில் இன்று மேலும் 6,186- பேருக்கு கொரோனா தொற்று பாதிப்பு
கேரளாவில் இன்று மேலும் 6,186- பேருக்கு கொரோனா வைரஸ் தொற்று உறுதி செய்யப்பட்டுள்ளது.
5. கொரோனா பாதிப்பு: உணவுத்துறை அமைச்சர் காமராஜ் சென்னை ராஜீவ்காந்தி மருத்துவமனை தீவிர சிகிச்சை பிரிவில் அனுமதி
கொரோனா தொற்றால் பாதிக்கப்பட்டிருந்த உணவுத்துறை அமைச்சர் காமராஜ் சென்னை ராஜீவ்காந்தி மருத்துவமனை தீவிர சிகிச்சை பிரிவில் அனுமதிக்கப்பட்டு உள்ளார்.