கிரிக்கெட்

‘ஐ.பி.எல். கிரிக்கெட்டில் இருந்து சீன ஸ்பான்சர்களை நீக்க வேண்டும்’ - பஞ்சாப் அணி உரிமையாளர் வலியுறுத்தல் + "||" + Chinese sponsors should be removed from IPL Cricket - assertion of the Punjab team owner

‘ஐ.பி.எல். கிரிக்கெட்டில் இருந்து சீன ஸ்பான்சர்களை நீக்க வேண்டும்’ - பஞ்சாப் அணி உரிமையாளர் வலியுறுத்தல்

‘ஐ.பி.எல். கிரிக்கெட்டில் இருந்து சீன ஸ்பான்சர்களை நீக்க வேண்டும்’ - பஞ்சாப் அணி உரிமையாளர் வலியுறுத்தல்
ஐ.பி.எல். கிரிக்கெட்டில் இருந்து சீன ஸ்பான்சர்களை நீக்க வேண்டும் என்று பஞ்சாப் அணி உரிமையாளர் நெஸ் வாடியா வலியுறுத்தியுள்ளார்.
புதுடெல்லி,

லடாக்கில் சீன ராணுவத்தினரின் எதிர்பாராத தாக்குதலில் 20 இந்திய ராணுவ வீரர்கள் வீரமரணம் அடைந்ததை தொடர்ந்து இந்தியாவில் சீன பொருட்கள் பயன்படுத்துவதை தவிர்க்க வேண்டும் என்ற கோஷம் ஓங்கி ஒலிக்க தொடங்கி இருக்கிறது. ஐ.பி.எல். மற்றும் இந்திய ஒலிம்பிக் சங்கத்துக்கு சீன நிறுவனங்கள் அளித்து வரும் ஸ்பான்சர்ஷிப்பை முறித்து கொள்ள வேண்டும் என்று கோரிக்கை கிளம்பின. ஐ.பி.எல். கிரிக்கெட் போட்டிக்கு சீனாவை சேர்ந்த விவோ செல்போன் நிறுவனம் தான் முதன்மை ஸ்பான்சராக இருக்கிறது. இந்திய கிரிக்கெட் வாரியத்துக்கு ஆண்டுக்கு ரூ.440 கோடி வழங்கும் அந்த நிறுவனத்தின் விளம்பர ஒப்பந்தம் 2022-ம் ஆண்டு வரை உள்ளது. ஐ.பி.எல். போட்டியில் சீன நிறுவனத்தின் ஸ்பான்சர்ஷிப் குறித்து மறுபரிசீலனை செய்ய நிர்வாக கவுன்சில் கூட்டம் நடைபெறும் என்று அறிவிக்கப்பட்டு இருந்தது. ஆனால் அந்த கூட்டம் இன்னும் நடைபெறவில்லை. இதற்கிடையே, சீனாவின் ‘டிக் டாக்’ உள்பட 59 செல்போன் செயலிகளுக்கு மத்திய அரசு நேற்று முன்தினம் அதிரடியாக தடை விதித்தது.


இந்த நிலையில் இந்த விவகாரம் குறித்து ஐ.பி.எல். போட்டியில் பங்கேற்கும் கிங்ஸ் லெவன் பஞ்சாப் அணியின் இணை உரிமையாளர் நெஸ் வாடியா நேற்று அளித்த பேட்டியில் ‘நாட்டின் நலன் கருதி ஐ.பி.எல். கிரிக்கெட் போட்டியில் ஸ்பான்சர்களாக இருக்கும் சீன நிறுவனங்களுடனான உறவை நாம் துண்டித்து கொள்ள வேண்டும். நாடு தான் முதன்மையானது. பணம் எல்லாம் இரண்டாம் பட்சம் தான். இது இந்தியன் பிரிமீயர் லீக் போட்டியாகும். சீனா பிரிமீயர் லீக் போட்டி அல்ல. இந்த விஷயத்தில் நமது செயல் மற்றவர்களுக்கு உதாரணமாகவும், வழிகாட்டியாகவும் இருக்க வேண்டும்.

தொடக்கத்தில் மாற்று ஸ்பான்சர்களை கண்டறிவது கடினமாக இருக்கலாம். ஆனால் சீன ஸ்பான்சர்களுக்கு மாற்றாக போதிய அளவுக்கு இந்திய ஸ்பான்சர்கள் இருக்கிறார்கள். நம் நாடு, அரசு மற்றும் முக்கியமாக நமக்காக உயிரை பணயம் வைக்கும் ராணுவ வீரர்களுக்கு நாம் எல்லோரும் கண்டிப்பாக மரியாதை அளிக்க வேண்டியது அவசியமானதாகும். இந்த விஷயத்தில் அரசு அறிவுறுத்திய பிறகு நடவடிக்கை எடுக்கலாம் என்று காத்து இருப்பது சரியான முடிவாக இருக்காது. இந்த நேரத்தில் நாட்டுடன் இணைந்து நிற்பது நமது தார்மீக பொறுப்பாகும். நான் இந்திய கிரிக்கெட் வாரிய தலைவராக இருந்தால் வரும் சீசனிலேயே ஐ.பி.எல். போட்டிக்கு இந்திய ஸ்பான்சரை கண்டறியும் படி சொல்வேன்’ என்று தெரிவித்துள்ளார். 

தொடர்புடைய செய்திகள்

1. ஐ.பி.எல். கிரிக்கெட்டில் மேலும் ஒரு அணியை சேர்க்க திட்டம்?
அடுத்த ஐ.பி.எல். போட்டியின் போது கூடுதலாக ஒரு அணியை சேர்க்க இந்திய கிரிக்கெட் வாரியம் திட்டமிட்டுள்ளதாக தகவல்கள் வெளியாகியுள்ளன.
2. ஐ.பி.எல். கிரிக்கெட்டில் 5-வது முறையாக சாம்பியன்: ‘எங்களது திட்டத்தை பந்து வீச்சாளர்கள் நிறைவாக செயல்படுத்தினார்கள்’ - கேப்டன் ரோகித் சர்மா பாராட்டு
‘எங்களது திட்டத்தை பந்து வீச்சாளர்கள் நிறைவாக செயல்படுத்தினார்கள்’ என்று சாம்பியன் பட்டம் வென்ற மும்பை இந்தியன்ஸ் அணியின் கேப்டன் ரோகித் சர்மா பாராட்டினார்.
3. ஐ.பி.எல். கிரிக்கெட்டில் அசத்திய இந்திய இளம் வீரர்கள்
ஐ.பி.எல். கிரிக்கெட்டில் அசத்திய இந்திய இளம் வீரர்கள்.
4. ஐ.பி.எல். கிரிக்கெட் இறுதிப்போட்டி: மும்பை இந்தியன்ஸ் அணிக்கு 157 ரன்கள் வெற்றி இலக்கு
ஐ.பி.எல். கிரிக்கெட் இறுதிப்போட்டியில் டெல்லி கேப்பிடல்ஸ் அணிக்கு எதிரான ஆட்டத்தில், மும்பை இந்தியன்ஸ் அணிக்கு 157 ரன்கள் வெற்றி இலக்காக நிர்ணயிக்கப்பட்டுள்ளது.
5. ஐ.பி.எல். கிரிக்கெட்: ஐதராபாத் சன்ரைசர்ஸ் அணிக்கு 190 ரன்கள் வெற்றி இலக்கு
ஐ.பி.எல். கிரிக்கெட் தொடரில் டெல்லி அணிக்கு எதிரான ஆட்டத்தில், ஐதராபாத் அணிக்கு 190 ரன்கள் வெற்றி இலக்காக நிர்ணயிக்கப்பட்டுள்ளது.