<
டெஸ்ட் தரவரிசை: விராட் கோலி 814 புள்ளிகள் பெற்று 4-வது இடத்துக்கு முன்னேற்றம்
படம்: PTI
கோலி தவிர்த்து ரிஷப் பந்த் மற்றும் ரோகித் சர்மாவும் டாப்-10இல் உள்ளனர். இருவரும் 6-வது இடத்தில் நீடிக்கின்றனர்.
துபாய்
டெஸ்ட் தரவரிசைக்கான பட்டியலை ஐசிசி இன்று வெளியிட்டுள்ளது. இதில் பேட்ஸ்மேன்களுக்கான தரவரிசையில் நியூசிலாந்து வீரர் கேன் வில்லியம்சனைப் பின்னுக்குத் தள்ளி ஸ்டீவ் ஸ்மித் முதலிடத்தைப் பிடித்துள்ளார். ஸ்மித் 891 புள்ளிகளுடனும், வில்லியம்சன் 886 புள்ளிகளுடனும் முறையே முதலிரண்டு இடத்தில் உள்ளனர்.
இந்திய கேப்டன் விராட் கோலி 814 புள்ளிகள் பெற்று 4-வது இடத்துக்கு முன்னேறியுள்ளார். கோலி தவிர்த்து ரிஷப் பந்த் மற்றும் ரோகித் சர்மாவும் டாப்-10இல் உள்ளனர். இருவரும் தலா 747 புள்ளிகளுடன் 6-வது இடத்தில் நீடிக்கின்றனர்.
பந்துவீச்சு தரவரிசையில் இந்தியாவின் மூத்த சுழற்பந்துவீச்சாளர் ரவிச்சந்திரன் அஸ்வின் 850 புள்ளிகளுடன் தொடர்ந்து 2-வது இடத்தில் நீடிக்கிறார். ஆஸ்திரேலிய வேகப்பந்துவீச்சாளர் பேட் கம்மின்ஸ் 908 புள்ளிகளுடன் தொடர்ந்து முதலிடத்தில் உள்ளார். டாப் 10-இல் இருக்கும் ஒரே இந்தியப் பந்துவீச்சாளர் அஸ்வின்.
ஆல்-ரவுண்டர்கள் தரவரிசையில் ஜேசன் ஹோல்டர் 412 புள்ளிகளுடன் தொடர்ந்து முதலிடத்தில் நீடிக்கிறார். இந்தியாவின் ரவீந்திர ஜடேஜா 386 புள்ளிகளுடன் 2-வது இடத்திலும், அஸ்வின் 353 புள்ளிகளுடன் 4-வது இடத்திலும் உள்ளனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
