கிரிக்கெட்

டி.என்.பி.எல். கிரிக்கெட்டில் நெல்லைக்கு எதிரான ஆட்டத்தில் திருச்சி அணி வெற்றி + "||" + Ruby Trichy Warriors won by 74 runs

டி.என்.பி.எல். கிரிக்கெட்டில் நெல்லைக்கு எதிரான ஆட்டத்தில் திருச்சி அணி வெற்றி

டி.என்.பி.எல். கிரிக்கெட்டில் நெல்லைக்கு எதிரான ஆட்டத்தில் திருச்சி அணி வெற்றி
நெல்லைக்கு எதிரான ஆட்டத்தில் 74 ரன்கள் வித்தியாசத்தில் திருச்சி அணி அபார வெற்றி பெற்றது.
சென்னை, 

8 அணிகள் பங்கேற்றுள்ள 5-வது தமிழ்நாடு பிரிமீயர் லீக் (டி.என்.பி.எல்.) 20 ஓவர் கிரிக்கெட் போட்டி சென்னை சேப்பாக்கத்தில் நடந்து வருகிறது. முதல் இரு ஆட்டங்கள் மழையால் ரத்தான நிலையில் 3-வது லீக்கில் நேற்றிரவு நெல்லை ராயல் கிங்ஸ்- திருச்சி வாரியர்ஸ் மோதின. இதில் ‘டாஸ்’ ஜெயித்த நெல்லை கேப்டன் பாபா அபராஜித் முதலில் பந்து வீச்சை தேர்வு செய்தார்.

 இதன்படி முதலில் பேட் செய்த திருச்சி அணி 15 ரன்னுக்குள் 2 விக்கெட்டுகளை இழந்த போதிலும் அமித் சாத்விக் (71 ரன், 52 பந்து, 6 பவுண்டரி, 2 சிக்சர்) அணியை நிமிர வைத்தார். ஆதித்யா கணேஷ் (33 ரன்), அந்தோணி தாஸ் (35 ரன்) ஆகியோரும் கணிசமான பங்களிப்பை அளித்து சவாலான ஸ்கோரை அடைய உதவினர். 

20 ஓவர் முடிவில் திருச்சி அணி 5 விக்கெட்டுக்கு 151 ரன்கள் சேர்த்தது. நெல்லை தரப்பில் ஷருண் குமார் 2 விக்கெட்டும், அதிசயராஜ் டேவிட்சன், அஜித் குமார், சஞ்சய் யாதவ் தலா ஒரு விக்கெட்டும் வீழ்த்தினர்.

இதையடுத்து, 152 ரன்கள் எடுத்தால் வெற்றி என்ற இலக்குடன் களம் இறங்கிய நெல்லை அணி 13.4-ஓவர்கள் மட்டுமே தாக்குப்பிடித்தது. 77 ரன்களில் அனைத்து விக்கெட்டுகளையும் பறிகொடுத்ததால் திருச்சி அணி 74 ரன்கள் வித்தியாசத்தில் அபார வெற்றி பெற்றது.