ஐ.எஸ்.எல். கால்பந்து: டெல்லியை பந்தாடியது கோவா

புதுடெல்லி,

4-வது இந்தியன் சூப்பர் லீக் (ஐ.எஸ்.எல்.) கால்பந்து தொடரில் டெல்லியில் நேற்றிரவு நடந்த 25-வது லீக் ஆட்டத்தில் கோவா எப்.சி. அணி 5-1 என்ற கோல் கணக்கில் உள்ளூர் அணியான டெல்லி டைனமோசை பந்தாடியது. டெல்லி அணியில் முன்னணி வீரர் கேப்ரியல் சிசெரோ 66-வது நிமிடத்தில் சிவப்பு அட்டை காட்டப்பட்டு வெளியேற்றப்பட்டதால், கோவா அணியின் வலுவான ‘பிடி’யை தவிர்க்க முடியாமல் போய் விட்டது. 5-வது லீக்கில் விளையாடிய கோவா அணிக்கு இது 4-வது வெற்றியாகும். இதன் மூலம் 12 புள்ளிகளுடன், பட்டியலில் முதலிடத்திற்கு முன்னேறியது. டெல்லி அணிக்கு இது 4-வது தோல்வியாகும்.

இன்று இரண்டு லீக் ஆட்டங்கள் நடக்கின்றன. பெங்களூருவில் மாலை 5.30 மணிக்கு நடைபெறும் ஆட்டத்தில் சென்னையின் எப்.சி.- பெங்களூரு எப்.சி. பலப்பரீட்சை நடத்துகின்றன. இரவு 8 மணிக்கு மும்பை சிட்டி- அட்லெடிகோ டி கொல்கத்தா அணிகள் மோதுகின்றன.