ஐ.எஸ்.எல் கால்பந்து: இரண்டாம் கட்ட ஆட்டங்களின் அட்டவணை வெளியீடு

கோவா,

8-வது இந்தியன் சூப்பர் லீக் கால்பந்து தொடர் (ஐ.எஸ்.எல்.) கோவாவில் நடந்து வருகிறது. கொரோனா தடுப்பு விதிமுறைகளை பின்பற்றி கடந்த ஆண்டைப் போல கோவாவில் உள்ள 3 மைதானங்களில் ரசிகர்கள் இன்றி நடைபெற்று வருகிறது. இந்த கால்பந்து  லீக் சுற்று போட்டிகள் அடுத்த ஆண்டு மார்ச் மாதம் 5ம் தேதி வரை நடைபெற உள்ளன.

தற்போது நடைபெற்று வரும் முதல் கட்ட போட்டிகள் டிசம்பர் 30ம் தேதியுடன் நிறைவடைய உள்ளன. முதல் பாகத்தின் கடைசி போட்டியில் சென்னையின் எப்சி அணி பெங்களூரு எப்சி அணியை எதிர்கொள்ள உள்ளது.

அடுத்த ஆண்டு ஜனவரி மாதம் 10ம் தேதி முதல் இரண்டாம் கட்ட ஆட்டங்கள் தொடங்கி, தொடர்ந்து  55 நாட்கள் நடைபெறும் என்று கால்பந்து விளையாட்டு மேம்பாடு லிமிடட்(எப் எஸ் டி எல்)  அறிவிப்பை வெளியிட்டுள்ளது. இந்த போட்டிகள் அனைத்தும் இரவு 7.30 மணிக்கு ஆரம்பமாகும்.கடைசி லீக் போட்டியில் எப்சி கோவா அணி கேரளா பிளாஸ்டர்ஸ் அணியுடன் விளையாட உள்ளது.