அஸ்லான் ஷா ஆக்கியில் தொடக்க ஆட்டத்தில் ஜப்பானை இன்று சந்திக்கிறது, இந்திய அணி

இபோக்,

28-வது அஸ்லான் ஷா கோப்பை ஆக்கி போட்டி மலேசியாவில் உள்ள இபோக் நகரில் இன்று தொடங்கி 30-ந் தேதி வரை நடக்கிறது. இதில் 5 முறை சாம்பியனான இந்தியா, தென்கொரியா, கனடா, ஜப்பான், போலந்து, மலேசியா ஆகிய 6 அணிகள் பங்கேற்கின்றன. ஒவ்வொரு அணியும் மற்ற அணியுடன் தலா ஒரு முறை மோத வேண்டும். லீக் முடிவில் முதல் 2 இடங்களை பிடிக்கும் அணிகள் இறுதிப்போட்டிக்குள் நுழையும்.

தொடக்க நாளான இன்று நடைபெறும் முதலாவது லீக் ஆட்டத்தில் மன்பிரீத்சிங் தலைமையிலான இந்திய அணி, ஆசிய விளையாட்டு சாம்பியனான ஜப்பானை (பகல் 1.35 மணி) எதிர்கொள்கிறது. மற்ற லீக் ஆட்டங்களில் கனடா-தென்கொரியா (பிற்பகல் 3.35 மணி), மலேசியா-போலந்து (மாலை 6.05 மணி) அணிகள் மோதுகின்றன.