து ளி க ள்

* 3-வது இளையோர் ஒலிம்பிக் போட்டி அர்ஜென்டினாவில் வருகிற 6-ந்தேதி முதல் 18-ந்தேதி வரை நடக்கிறது. இதன் தொடக்க விழாவில் துப்பாக்கி சுடுதல் வீராங்கனை மானுபாகெர் இந்திய அணிக்கு தலைமை தாங்கி தேசிய கொடியை ஏந்தி செல்வார் என்று அறிவிக்கப்பட்டுள்ளது.

* கோலாலம்பூரில் நேற்று நடந்த 16 வயதுக்குட்பட்டோருக்கான ஆசிய கால்பந்து போட்டியின் கால்இறுதி ஆட்டத்தில் இந்திய அணி 0-1 என்ற கோல் கணக்கில் தென்கொரியாவிடம் போராடி தோற்றது. இந்த வெற்றியின் மூலம் தென்கொரியா அணி 17 வயதுக்குட்பட்டோருக்கான உலக கோப்பை போட்டிக்கு தகுதி பெற்றது.

* ஆஸ்திரேலிய கிரிக்கெட் அணி, பாகிஸ்தானுடன் 2 போட்டிகள் கொண்ட டெஸ்ட் தொடரில் விளையாட உள்ளது. முதலாவது டெஸ்ட் போட்டி வருகிற 7-ந்தேதி துபாயில் தொடங்குகிறது. இந்த போட்டிக்கான சர்ப்ராஸ் அகமது தலைமையிலான பாகிஸ்தான் அணி ஏற்கனவே அறிவிக்கப்பட்டு இருந்தது. இந்த நிலையில் அணியில் கூடுதலாக ஆல்-ரவுண்டர் 37 வயதான முகமது ஹபீஸ் சேர்க்கப்பட்டு இருக்கிறார்.